കൊച്ചി: നടി ആക്രമിക്കപ്പെട്ട കേസില്‍ അതിജീവിതക്കൊപ്പം എന്നതിനേക്കാള്‍ സത്യത്തിനൊപ്പമാണെന്ന് നടന്‍ കുഞ്ചാക്കോ ബോബന്‍. താന്‍ എന്നും സത്യത്തിനൊപ്പമാണ് നിലനിന്നിട്ടുള്ളതെന്നും ഇനിയും അങ്ങനെ തന്നെ തുടരുമെന്നും കുഞ്ചാക്കോ ബോബന്‍ പറഞ്ഞു. എത്രകാലം കഴിഞ്ഞാലും സത്യം ജയിക്കുമെന്നാണ് പ്രതീക്ഷിക്കുന്നതെന്നും തിരുവനന്തപുരം പ്രസ് ക്ലബിൽ നടത്തിയ വാർത്താസമ്മേളനത്തിൽ കുഞ്ചാക്കോ ബോബൻ മാധ്യമങ്ങളോട് പറഞ്ഞു. 'ന്നാ താൻ പോയി കേസ് കൊട്' സിനിമയുമായി ബന്ധപ്പെട്ട് നടത്തിയ പ്രമോഷന്‍ പരിപാടിയുടെ ഭാഗമായാണ് വാര്‍ത്താ സമ്മേളനം സംഘടിപ്പിച്ചത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ആന്‍ഡ്രോയ്ഡ് കുഞ്ഞപ്പന്‍, കനകം കാമിനി കലഹം, എന്നീ സിനിമകള്‍ക്ക് ശേഷം രതീഷ്‌ പൊതുവാള്‍ സംവിധാനം ചെയ്യുന്ന ചിത്രമാണ് 'ന്നാ താൻ പോയി കേസ് കൊട്'. ഗായത്രി ശങ്കറാണ് ചിത്രത്തില്‍ നായിക. ബസില്‍ ജോസഫ്, ഉണ്ണിമായ, എന്നിവരും ചിത്രത്തില്‍ പ്രധാന വേഷം കൈകാര്യം ചെയ്യുന്നു. മഹേഷിന്റെ പ്രതികാരം, മായാനദി, ആൻഡ്രോയ്‌ഡ് കുഞ്ഞപ്പൻ, വൈറസ്, ആർക്കറിയാം, നാരദൻ എന്നീ സിനിമകളുടെ നിർമ്മാതാവായ സന്തോഷ് ടി കുരുവിളയുടെ പന്ത്രണ്ടാമത്തെ സിനിമയാണിത്.
