കൊച്ചി: കരുവന്നൂര് സഹകരണ ബാങ്കിന് 25 കോടി രൂപ അനുവദിക്കുമെന്ന് മന്ത്രി ആര് ബിന്ദു പ്രഖ്യാപിച്ചതിനുപിന്നാലെ സിപിഎമ്മിനെതിരെ വിമര്ശനവുമായി കെ പി സി സി വൈസ് പ്രസിഡന്റ് വി ടി ബല്റാം. സിപിഎമ്മുകാര് കട്ട ജനങ്ങളുടെ ഡെപ്പോസിറ്റ് പണം വീണ്ടും ജനങ്ങളുടെ നികുതിപ്പണത്തില്നിന്ന് എടുത്തുകൊടുക്കുകയാണെന്ന് വി ടി ബല്റാം പറഞ്ഞു. നേരത്തെ, സിപിഎമ്മുകാര് ഭരിച്ചുമുടിച്ച റബ്കോക്കും ഇതുപോലെ മുന്നൂറുകോടിയോളം രൂപ പൊതുഖജനാവില്നിന്ന് എടുത്തുകൊടുത്തിരുന്നെന്ന് പറഞ്ഞ വി ടി ഇതെന്ത് ഭരണമാണെന്നും ചോദിച്ചു. ഫേസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം.
സാമ്പത്തിക തിരിമറിയെത്തുടര്ന്ന് തകര്ച്ചയിലായ കരുവന്നൂര് സഹകരണ ബാങ്കിന് 25 കോടി രൂപ അനുവദിക്കുമെന്നും ഈ പണം കൊണ്ട് പ്രത്യേക പാക്കേജുണ്ടാക്കി നിക്ഷേപകരെ സംരക്ഷിക്കാന് നടപടി സ്വീകരിക്കുമെന്നും മന്ത്രി ആര് ബിന്ദു ഇന്നലെ അറിയിച്ചിരുന്നു. 'മുഖ്യമന്ത്രിയുമായി പ്രശ്നങ്ങള് ചര്ച്ച ചെയ്തിരുന്നു. നിക്ഷേപകര്ക്കൊപ്പമാണ് സര്ക്കാര് നിലകൊളളുന്നത്. ബാങ്കിനെ നിലനിര്ത്തുന്നതിനായുളള പ്രവര്ത്തനങ്ങളില് സര്ക്കാര് നടപടികള് സ്വീകരിച്ചുവരികയാണ്. എന്റെ മണ്ഡലമായതുകൊണ്ടാണ് മാധ്യമങ്ങള് ഞാന് പറയുന്ന കാര്യങ്ങളെ തെറ്റായി വ്യാഖ്യാനിച്ച് വാര്ത്തകള് കൊടുക്കുന്നത്'-എന്നാണ് മന്ത്രി കഴിഞ്ഞ ദിവസം പറഞ്ഞത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക