ചെന്നൈ: ഓസ്കാര് പുരസ്‌കാര പ്രഖ്യാപനം നടത്തുന്ന അക്കാദമി ഓഫ് മോഷന്‍ പിക്ച്ചര്‍, ആര്‍ട്‌സ്, ആന്‍ഡ് സയന്‍സ് കമ്മിറ്റിയുടെ ഭാഗമാവാന്‍ തമിഴ് നടന്‍ സൂര്യയ്ക്ക് ക്ഷണം. ഓസ്കാര് അക്കാദമി തന്നെയാണ് ഇക്കാര്യം പ്രഖ്യാപിച്ചിരിക്കുന്നത്. 397 കലാകാരന്മാര്‍ക്കാണ് ഇത്തവണ കമ്മിറ്റി അംഗങ്ങളാവാന്‍ ക്ഷണം ലഭിച്ചിരിക്കുന്നത്. ഓസ്കാര് കമ്മിറ്റി അംഗമാവാന്‍ ക്ഷണം ലഭിക്കുന്ന ആദ്യത്തെ തെന്നിന്ത്യന്‍ നടനാണ് സൂര്യ. ഇന്ത്യയില്‍ നിന്ന് സൂര്യയെക്കൂടാതെ ബോളിവുഡ് നടി കാജോള്‍, സംവിധായിക റീമ കാഗ്തി, ഡല്‍ഹി മലയാളിയായ റിന്റു തോമസ്, സുഷ്മിത് ഘോഷ്, ആദിത്യാ സൂത്, സോഹ്നി സെന്‍ഗുപ്ത എന്നിവരെയും ഓസ്കാര് കമ്മിറ്റിയിലേക്ക് ക്ഷണിച്ചിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
നേരത്തെ, സൂര്യ നായകനായ ജയ് ഭീം എന്ന ചിത്രം ഓസ്‌കാറിന്റെ ഔദ്യോഗിക യൂട്യൂബ് ചാനലില്‍ പ്രദര്‍ശിപ്പിച്ചിരുന്നു. സൂര്യയുടെ തന്നെ സൂററൈ പോട്ര് എന്ന സിനിമ 2021-ല്‍ ഇന്ത്യയുടെ ഔദ്യോഗിക ഓസ്കാര് എന്‍ട്രി ആയിരുന്നു. ഷാറൂഖ് ഖാന്‍, ആമിര്‍ ഖാന്‍, അലി ഫസല്‍, അമിതാബ് ബച്ചന്‍, എ ആര്‍ റഹ്മാന്‍, വിദ്യാ ബാലന്‍, പ്രിയങ്കാ ചോപ്ര, ഏക്താ കപൂര്‍ തുടങ്ങിയവര്‍ ഇതിനകം തന്നെ അക്കാദമി ഓഫ് മോഷന്‍ പിക്ച്ചര്‍ ആര്‍ട്ട് ആന്‍ഡ് സയന്‍സിന്റെ ഭാഗമാണ്.
