കൊച്ചി: സിറോ മലബാര് ഭൂമിയിടപാട് കേസില് അന്വേഷണം സ്റ്റേ ചെയ്യണമെന്ന കര്ദ്ദിനാള് ജോര്ജ്ജ് ആലഞ്ചേരിയുടെ ഹര്ജി സുപ്രീം കോടതി തള്ളി. അന്വേഷണം സ്റ്റേ ചെയ്യാനാവില്ലെന്ന് സുപ്രീം കോടതി വ്യക്തമാക്കി. ഇതോടെ കർദിനാൾ ആലഞ്ചേരി വിചാരണ നേരിടേണ്ടിവരുമെന്ന് ഉറപ്പായി. അന്വേഷണം സ്റ്റേ ചെയ്യണമെന്ന് ആവശ്യപ്പെട്ട് കര്ദ്ദിനാള് ജോര്ജ്ജ് ആലഞ്ചേരി തന്നെയാണ് സുപ്രീംകോടതിയെ സമീപിച്ചത്. കൈമാറ്റം ചെയ്ത ഭൂമിയില് സര്ക്കാരിന്റെ പുറമ്പോക്ക് സ്ഥലം ഉള്പ്പെട്ടിട്ടുണ്ടോയെന്ന കാര്യം അന്വേഷിക്കണമെന്ന് സര്ക്കാരിനോട് കോടതി ആവശ്യപ്പെട്ടിരുന്നു. ഈ ഉത്തരവ് റദ്ദാക്കണമെന്നായിരുന്നു ഹര്ജിയിലെ പ്രധാന ആവശ്യം. ഈ മാസം12 -നാണ് വിചാരണയ്ക്കായി ഹാജരാകേണ്ടത്. ജസ്റ്റിസ് ദിനേശ് മഹേശ്വരി അധ്യക്ഷനായ ബെഞ്ചാണ് ഹര്ജി പരിഗണിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അന്വേഷണത്തിന് ഉത്തരവിട്ട ഹൈക്കോടതി നടപടി റദ്ദാക്കണമെന്നും ഹര്ജിയില് ആവശ്യപ്പെട്ടിരുന്നു. ഭൂമിയിടപാടുമായി ബന്ധപ്പെട്ട് കാക്കനാട് മജിസ്ട്രേറ്റ് കോടതിയിലെ നടപടികളെയും ക്രിസ്ത്യന് പള്ളികളുടെ ഭൂമിയും മറ്റ് ആസ്തികളും വില്പന നടത്താന് ബിഷപ്പുമാര്ക്ക് അധികാരമില്ലെന്ന ഹൈക്കോടതിയുടെ പരാമര്ശത്തെയും ഹര്ജിയില് ചോദ്യം ചെയ്തു. എറണാകുളം അങ്കമാലി അതിരൂപതയുടെ ഉടമസ്ഥതയില് കാക്കനാടുള്ള 60 സെന്റ് ഭൂമി വിൽപ്പനയുമായി ബന്ധപ്പെട്ട കേസാണിത്. ഈ ഭൂമി ഇടപാടിലൂടെ സഭയ്ക്ക് ലക്ഷങ്ങളുടെ നഷ്ടം ഉണ്ടായെന്നും സഭയുടെ വിവിധ സമിതികളിൽ ആലോചിക്കാതെയാണ് ഭൂമി ഇടപാട് നടത്തിയെന്നുമാണ് കേസ്.