വയനാട്: സ്വകാര്യ റിസോര്‍ട്ടില്‍ ലഹരി പാര്‍ട്ടി നടത്തിയ സംഭവത്തില്‍ 16 പേര്‍ കസ്റ്റടിയില്‍. ടി പി ചന്ദ്രശേഖരന്‍ വധക്കേസ് പ്രതി കിര്‍മാണി മനോജടക്കമുളളവരെയാണ് പൊലീസ് പിടികൂടിയിരിക്കുന്നത്. ഇന്ന് പുലര്‍ച്ചയോടെ വയനാട് പടിഞ്ഞാറത്തറയിലെ റിസോര്‍ട്ടില്‍ നിന്നാണ് ഇവരെ പിടികൂടിയത്. ലഹരിപ്പാര്‍ട്ടി നടക്കുന്നുണ്ടെന്ന രഹസ്യവിവരത്തെത്തുടര്‍ന്നായിരുന്നു പൊലീസ് റിസോര്‍ട്ടിലെത്തിയത്.
ഇന്നലെ വൈകുന്നേരമായിരുന്നു പാര്‍ട്ടി നടന്നത്. എം ഡി എം എയും കഞ്ചാവുമടക്കമുളള ലഹരിമരുന്നുകള്‍ പൊലീസ് റിസോര്‍ട്ടില്‍ നിന്നും പിടിച്ചെടുത്തിട്ടുണ്ട്. ഗുണ്ടാ നേതാവ് കമ്പളക്കാട് മുഹ്‌സിന്റെ വിവാഹപ്പാര്‍ട്ടിയാണ് റിസോര്‍ട്ടില്‍ നടന്നതെന്നാണ് ലഭിക്കുന്ന വിവരം. പിടിയിലായ പതിനാറുപേരും ക്വട്ടേഷന്‍ സംഘാംഗങ്ങളാണ് എന്നാണ് പൊലീസ് റിപ്പോര്‍ട്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
വയനാട് എസ് പിയുടെ നേതൃത്വത്തിലാണ് റിസോര്‍ട്ടില്‍ റെയ്ഡ് നടത്തിയത്. പതിനാറുപേരെയും ചോദ്യം ചെയ്തുവരികയാണെന്നും ഉടന്‍ തന്നെ അറസ്റ്റ് രേഖപ്പെടുത്തുമെന്നും പൊലീസ് പറഞ്ഞു. നിലവില്‍ പടിഞ്ഞാറത്തറ പൊലീസ് സ്റ്റേഷനിലാണ് ഇവരെ കസ്റ്റഡിയില്‍ വെച്ചിരിക്കുന്നത്.
