പത്തു വർഷം ഒരു മുറിയിൽ ഒളിച്ചുതാമസിച്ച് വാർത്തകളിൽ നിറഞ്ഞ റഹ്മാനും സജിതയും 'ഔദ്യോഗികമായി' വിവാഹിതരായി. ഇന്ന് രാവിലെ പത്തു മണിക്ക് നെന്മാറ സബ് രജിസ്റ്റാർ ഓഫീസിലാണ് വിവാഹം നടന്നത്. പുരോഗമന കലാ സാഹിത്യസംഘത്തിന്റെ കൊല്ലങ്കോട് ഏരിയ കമ്മിയാണ് വിവാഹത്തിനുള്ള സൗകര്യങ്ങള് ഒരുക്കിയത്.
ചടങ്ങിന് സാക്ഷികളാവാന് സജിതയുടെ മാതാപിതാക്കളുമെത്തിയിരുന്നു. സബ് രജിസ്ട്രാര് ഓഫീസില് നിന്നും പുറത്തിറങ്ങിയ റഹ്മാനും സജിതയും എല്ലാവര്ക്കും മധുരം നല്കി. സ്വന്തമായൊരു വീടെന്ന ഇരുവരുടെയും സ്വപ്നം യാഥാര്ഥ്യമാക്കാന് ഒപ്പമുണ്ടാവുമെന്ന് ചടങ്ങിനെത്തിയ കെ. ബാബു എംഎല്എ ദമ്പതിമാര്ക്ക് ഉറപ്പ് നല്കി. ഇരുവരും ഇപ്പോള് വിത്തനശ്ശേരിയിലുള്ള വാടകവീട്ടിലാണ് താമസിക്കുന്നത്. സന്തോഷം തോന്നുന്നുവെന്നും ഇനി പ്രയാസങ്ങളൊന്നും ഉണ്ടാകില്ലെന്നാണ് കരുതുന്നുവെന്നും റഹ്മാന് പറഞ്ഞു. റഹ്മാന്റെ കുടുബവും വന്നിരുന്നുവെങ്കില് ഇരട്ടി മധുരമായേനെ എന്നായിരുന്നു സജിതയുടെ പ്രതികരണം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
2010 ഫെബ്രുവരിയിലാണ് റഹ്മാനോടൊപ്പം ജീവിക്കാൻ 18 കാരിയായ സജിത വീടുവിട്ടിറങ്ങിയത്. ഇലക്ട്രിക്കൽ ജോലിയും പെയിന്റിങ്ങും ചെയ്യുന്ന റഹ്മാനൊപ്പം കഴിയുന്നതിനായി ഇറങ്ങിത്തിരിച്ച സജിതയെ റഹ്മാൻ ആരുമറിയാതെ വീട്ടിലെ മുറിയിൽ താമസിപ്പിക്കുകയായിരുന്നു.