നിർഭയ കൂട്ടബലാത്സംഗ കേസിലെ 4 പ്രതികളുടെ വധശിക്ഷ നടപ്പാക്കിയതിൽ പ്രതികരണവുമായി തെന്നിന്ത്യൻ സൂപ്പർതാരം തമന്ന ഭാട്ടിയ. ഒടുവിൽ നീതി നടപ്പാക്കിയെന്നാണ് തമന്ന ട്വിറ്ററിൽ കുറിച്ചത്. കുറ്റവാളികൾ തൂക്കിലേറ്റപ്പെട്ടന്ന എന്ന വാർത്തയോടെയാണ് ദിനം തുടങ്ങുന്നതെന്നും തമന്ന ട്വിറ്ററിൽ കുറിച്ചിട്ടുണ്ട്.
തമ്മന്നയെ കൂടാതെ ബോളിവുഡ് താരങ്ങളായ ശ്രദ്ധ കപൂർ, പ്രീതിസിന്റാ, റിതീഷ് ദേശ്മുഖ് എന്നിവരും വിധി നടപ്പാക്കിയതിൽ പ്രതികരിച്ചിട്ടുണ്ട്. ഒടുവിൽ നിർഭയക്ക് നീതി ലഭിച്ചു എന്ന് മാത്രമാണ് ശ്രദ്ധ കപൂറിന്റെ ട്വീറ്റ്.
നിർഭയയുടെ മാതാപിതാക്കൾക്കും സുഹൃത്തുക്കൾക്കും എന്റെ കരുതലും പ്രാർത്ഥനയും കരുതലും എന്നാണ് റിതേഷ് ദേശ്മുഖ് ട്വിറ്ററിൽ കുറിച്ചത്. കാത്തിരിപ്പ് നീണ്ടതായിരുന്നെങ്കിലും നീതി നടപ്പായി എന്നും റിതേഷ് പറഞ്ഞു.
നിര്ഭയ കേസ്സിലെ നാലു പ്രതികളെയും ഇന്ന് പുലർച്ചെ 5.30 നാണ് തൂക്കിലേറ്റിയത്. തീഹാര് ജയിലിലാണ് പ്രതികളായ പവന് കുമാര് ഗുപ്ത (25), മുകേഷ് കുമാര് സിംഗ് (32), വിനയ്കുമാര് ശര്മ (26) , അക്ഷയ് താക്കൂര് (31) എന്നീ 4 പ്രതികളെ വധശിക്ഷക്ക് വിധേയരാക്കിയത്. വധശിക്ഷ ഇളവു ചെയ്തു തരണമെന്നാവശ്യപ്പെട്ട് പ്രതികള് നല്കിയ ദയാഹര്ജികള് രാഷ്ട്രപതിയും തള്ളിയ സാഹചര്യത്തിലാണ് ഇവരെ തൂക്കിലേറ്റിയത്.