ഡല്ഹി: മദ്യനയക്കേസില് ഇഡി അറസ്റ്റ് ചെയ്ത് ജയിലിലടച്ച ഡല്ഹി മുഖ്യമന്ത്രി അരവിന്ദ് കെജ്രിവാളിന് ഇടക്കാല ജാമ്യം അനുവദിച്ച് സുപ്രീംകോടതി. ജൂണ് 1 വരെയാണ് ജാമ്യ കാലാവധി. ജസ്റ്റിസുമാരായ സഞ്ജീവ് ഖന്ന, ദീപാങ്കര് ദത്ത എന്നിവരടങ്ങുന്ന ബെഞ്ചാണ് വിധി പ്രഖ്യാപിച്ചത്. കെജ്രിവാളിന് ജാമ്യം നല്കരുതെന്ന ഇഡിയുടെ ആവശ്യം സുപ്രീംകോടതി തളളി. ലോക്സഭാ തെരഞ്ഞെടുപ്പ് ഫലം വരുന്നതുവരെ ജാമ്യം അനുവദിക്കണമെന്നായിരുന്നു കെജ്രിവാളിനുവേണ്ടി ഹാജരായ അഭിഭാഷകന് മനു അഭിഷേക് സിങ്വി ആവശ്യപ്പെട്ടത്. എന്നാല് ജാമ്യം വോട്ടെടുപ്പ് വരെ മതിയെന്ന് കോടതി നിരീക്ഷിച്ചു.
ഉപാധികളോടെയാണ് സുപ്രീംകോടതി അരവിന്ദ് കെജ്രിവാളിന് ജാമ്യം അനുവദിച്ചിരിക്കുന്നത്. ജൂണ് രണ്ടിന് വീണ്ടും കീഴടങ്ങണം. ജാമ്യ കാലയളവില് മുഖ്യമന്ത്രിയുടെ ഔദ്യോഗിക ചുമതലകള് നിര്വഹിക്കാന് പാടില്ല. ഫയലുകളില് ഒപ്പിടരുത് തുടങ്ങിയവയാണ് നിബന്ധനകള്. തെരഞ്ഞെടുപ്പ് പ്രചാരണ പരിപാടികളില് പങ്കെടുക്കുന്നതിന് തടസമില്ല.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഡല്ഹി ലോക്സഭാ തെരഞ്ഞെടുപ്പിന്റെ വോട്ടെടുപ്പിലേക്ക് കടക്കാനിരിക്കെയാണ് സുപ്രീംകോടതി അരവിന്ദ് കെജ്രിവാളിന് ജാമ്യം അനുവദിച്ചിരിക്കുന്നത്. ആം ആദ്മി പാര്ട്ടിക്കും ഇന്ത്യാ മുന്നണിക്കും ഏറെ ആശ്വാസം നല്കുന്ന വിധിയാണ് സുപ്രീംകോടതിയുടേത്. മെയ് 25-നാണ് ഡല്ഹിയില് വോട്ടെടുപ്പ് നടക്കുക. 2022 ഓഗസ്റ്റില് രജിസ്റ്റര് ചെയ്ത മദ്യനയ അഴിമതിക്കേസില് മാര്ച്ച് 21-നാണ് ഇഡി കെജ്രിവാളിനെ അറസ്റ്റ് ചെയ്തത്.