തിരുവനന്തപുരം: കേരളത്തില്‍ ഇനിമുതല്‍ ഒരു രൂപ പോലും മുതല്‍മുടക്കാന്‍ ആഗ്രഹിക്കുന്നില്ലെന്ന് കിറ്റക്‌സ് എം. ഡി. സാബു ജേക്കബ്. തെലങ്കാനയില്‍ ബിസിനസിനായി ആയിരം കോടിയുടെ നിക്ഷേപമാവും ആദ്യഘട്ടത്തില്‍ നടത്തുക. തെലങ്കാന സര്‍ക്കാരുമായി കരാറുണ്ടാക്കും. രണ്ടുവര്‍ഷത്തിനുളളില്‍ പദ്ധതി യാഥാര്‍ഥ്യമാകും. തെലങ്കാനയിലേക്ക് എത്ര മലയാളികള്‍ ജോലി തേടി വന്നാലും അവര്‍ക്കു ജോലി നല്‍കുമെന്നും അദ്ദേഹം പറഞ്ഞു.
മുഖ്യമന്ത്രിക്ക് തന്നെ ശാസിക്കാനുളള അധികാരമുണ്ട്, രാഷ്ട്രീയത്തെക്കുറിച്ച് ഇപ്പോള്‍ പ്രതികരിക്കാനില്ല. എന്നാല്‍ സര്‍ക്കാരുമായി ഇനിയും ചര്‍ച്ചയ്ക്ക് തയാറാണ്. ഒരു യുഡി ക്ലര്‍ക്ക് ചര്‍ച്ചയ്ക്കായി വന്നാലും താന്‍ സംസാരിക്കാന്‍ തയാറാണെന്നും സാബു ജേക്കബ് കൂട്ടിച്ചേര്‍ത്തു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഇത് തന്റെ മാത്രം പ്രശ്‌നമല്ല മലയാളികളുടെ പ്രശ്‌നമാണ്. ഇവിടെ പഠിച്ചിറങ്ങുന്ന യുവാക്കളുടെ പ്രശ്‌നമാണ്. സര്‍ക്കാരിന്റെ ചിന്താഗതി മാറിയില്ലെങ്കില്‍ കേരളം വലിയ ആപത്തിലേക്ക് പോകും. ഈ നാട്ടില്‍ താന്‍ 35000 കോടി നിക്ഷേപിക്കുന്നുവെന്നുപറഞ്ഞിട്ടും ആരും തിരിഞ്ഞുനോക്കിയില്ല എന്നാല്‍ 9 സംസ്ഥാനങ്ങളില്‍ നിന്നും മുഖ്യമന്ത്രിമാരും വ്യവസായികളും തന്നെ വിളിച്ചു. ലോകം മാറി., നമ്മുടെ അന്യസംസ്ഥാനങ്ങളും മാറി. പക്ഷേ കേരളം ഇന്നും 50 വര്‍ഷം പുറകിലാണ്' അദ്ദേഹം കൂട്ടിച്ചേര്‍ത്തു.
