ജംബോളിനയുടെ ഏകാന്തത അവസാനിച്ചു; ലോകത്തിലെ ഏറ്റവും ഒറ്റപ്പെട്ട കരടി പുതുജീവിത്തിലേക്ക്

'ലോകത്തിലെ ഏറ്റവും ഒറ്റപ്പെട്ട കരടി' എന്നാണ് ജംബോളിന അറിയപ്പെടുന്നത്. അതിനുകാരണം അവള്‍ക്ക് കുടുംബമോ കൂട്ടുകാരോ ഒന്നും ഇല്ല എന്നതാണ്. 12 വര്‍ഷമായി ഉക്രെയിനിലെ സര്‍ക്കാര്‍ കൂടാരത്തിലായിരുന്നു ജംബോളിനയുടെ താമസം. എന്നാല്‍ കഴിഞ്ഞ വര്‍ഷം മൃഗസംരക്ഷണ സംഘടനയായ ഫോര്‍ പൗസ് അവളെ രക്ഷപ്പെടുത്തി സ്വിറ്റ്‌സര്‍ലന്റിലെ ആരോസ പര്‍വ്വതനിരയിലെ ബിയര്‍ ലാന്റ് റിസര്‍വ്വിലേക്ക് കൊണ്ടുപോയി.

2009-ല്‍ ക്രിമിയയിലെ യാല്‍റ്റ മൃഗശാലയിലായിരുന്നു ജംബോളിനയുടെ ജനനം. ജനിച്ച് ഏതാനും ആഴ്ച്ചകള്‍ക്കുളളില്‍ മൃഗശാല അവളെ ഒരു സര്‍ക്കസ് കമ്പനിക്ക് വില്‍ക്കുകയായിരുന്നു. കഠിനമായ പരിശീലനമുറകളും പീഡനങ്ങളും സഹിച്ച് അവള്‍ ആ സര്‍ക്കസ് കൂടാരത്തില്‍ ജീവിച്ചു. മറ്റ് കരടികളോടൊപ്പമല്ലായിരുന്നു കമ്പനി ജംബോളിനയെ പാര്‍പ്പിച്ചിരുന്നത്. ചെറിയ ഒരു കൂട്ടിലായിരുന്നു അവളെ താമസിപ്പിച്ചിരുന്നത്.

കൊവിഡ് മഹാമാരിയാണ് ജംബോളിനയെ രക്ഷിച്ചതെന്ന് പറയാം കാരണം കൊവിഡ് മൂലം ജംബോളിനയുടെ സര്‍ക്കസ് കമ്പനി നഷ്ടത്തിലായി. ഇതോടെ അവളുട ഉടമസ്ഥന് അവളെ വില്‍ക്കേണ്ടതായി വന്നു. ഉടമ ഫോര്‍ പൗസുമായി ബന്ധപ്പെടുകയും  സംഘടനയുടെ പ്രവര്‍ത്തകര്‍ അവിടെയെത്തി അവളെ മോചിപ്പിക്കുകയുമായിരുന്നു. വളരെക്കാലം കൂട്ടില്‍ കഴിഞ്ഞിരുന്ന കരടിയുടെ ആരോഗ്യനില വളരെ മോശമായിരുന്നു. പര്‍വ്വതങ്ങളും അരുവികളും വനങ്ങളുമുളള ഏക്കറുകള്‍ പരന്നുകിടക്കുന്ന സങ്കേതത്തിലാണ് ജംബോളിന ഇപ്പോള്‍.

തന്റെ കൂടുവിട്ട് ആദ്യമായി പുറംലോകം കാണുന്നതിന്റെ ഭയവും സംശയവും ആകാംക്ഷയുമെല്ലാം ജംബോളിനയ്ക്കുണ്ട്. അത് സ്വാഭാവികമാണ്. മൃഗങ്ങള്‍ക്കും മനുഷ്യര്‍ക്കുമുളള അതിജീവന തന്ത്രമാണ് സംശയം എന്ന് ബിയര്‍ ലാന്റിന്റെ സയന്റിഫിക് ഡയറക്ടര്‍ ഡോ. ഹാന്‍സ് ഷ്മിഡ് പറഞ്ഞു. അവള്‍ സ്ഥലവുമായി പൊരുത്തപ്പെട്ടതിനുശേഷം സമാനരീതിയില്‍ രക്ഷപ്പെടുത്തിയ രണ്ട് കരടികളെക്കൂടെ ജംബോളിനയ്‌ക്കൊപ്പം വിടുമെന്നും അദ്ദേഹം കൂട്ടിച്ചേര്‍ത്തു.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

Contact the author

Web Desk

Recent Posts

Viral Post

ടൈറ്റാനിക്കിലെ ആ 'വാതില്‍ കഷ്ണം' ലേലത്തില്‍ വിറ്റ് പോയത് ആറു കോടിയ്ക്ക്

More
More
Web Desk 2 days ago
Viral Post

പ്രായം വെറും 8 മാസം, സമ്പാദിക്കുന്നത് ലക്ഷങ്ങള്‍

More
More
Viral Post

കുടിക്കാന്‍ മാത്രമല്ല കുളിക്കാനും വൈന്‍ !

More
More
Web Desk 2 months ago
Viral Post

'ഇത് ഫെമിനിസമല്ല, ഗതികെട്ട അവസ്ഥ'; സൈബര്‍ ആക്രമണത്തിനെതിരെ നടി മറീന മൈക്കിള്‍

More
More
Viral Post

ജീവിതത്തിലെ 'പ്രതിസന്ധി' പോസ്റ്റ് സീരീസ് പ്രമോഷന്‍; നടി കാജോളിനെതിരെ വിമര്‍ശനം

More
More
Web Desk 10 months ago
Viral Post

കിലോയ്ക്ക് രണ്ടര ലക്ഷം രൂപ വിലയുളള മാമ്പഴം!

More
More