ഡല്ഹി: പ്രധാനമന്ത്രി നരേന്ദ്രമോദിയുടെ മൗനം അഴിമതി മൂടിവയ്ക്കാനാണെന്ന് കോണ്ഗ്രസ് നേതാവ് എ. കെ. ആന്റണി. ടെന്ഡര് നടപടികള് ഒഴിവാക്കിയും പ്രതിരോധ സംഭരണ ചട്ടത്തിലെ വ്യവസ്ഥകള് ലംഘിച്ചുമാണ് 36 റഫാല് യുദ്ധവിമാനങ്ങള് വാങ്ങാനുളള പദ്ധതിയെക്കുറിച്ച് പ്രധാനമന്ത്രി പ്രഖ്യാപനം നടത്തിയത്. റഫാല് ഇടപാടില് അഴിമതി നടന്നുവെന്നത് വ്യക്തമാണെന്നും അതേക്കുറിച്ച് പാര്ലമെന്റിന്റെ സംയുക്ത സമിതി അന്വേഷണം നടത്തണമെന്നും അദ്ദേഹം ആവശ്യപ്പെട്ടു.
126 യുദ്ധവിമാനങ്ങള് വാങ്ങാനായിരുന്നു യുപിഎ സര്ക്കാരിന്റെ കാലത്ത് ചര്ച്ചകള് നടന്നിരുന്നത്. 18 വിമാനങ്ങള് ഫ്രാന്സില് നിര്മിച്ച് നേരിട്ട് വാങ്ങാനും ബാക്കിയുളളവ സാങ്കേതിക വിദ്യാ കൈമാറ്റത്തോടെ ഇന്ത്യയില് നിര്മിക്കാനുമായിരുന്നു പദ്ധതി. എന്നാല് 2015-ല് നരേന്ദ്രമോദി അധികാരത്തിലെത്തിയതോടെ പദ്ധതിയില് മാറ്റം വന്നു. മോദിയുടെ പാരിസ് സന്ദര്ശനത്തോടെ 126 യുദ്ധവിമാനങ്ങള് എന്നത് 36 ആയി കുറഞ്ഞു. വിമാനങ്ങളുടെ എണ്ണം വെട്ടിക്കുറച്ചത് എന്തിനാണെന്ന് നരേന്ദ്രമോദിയോ കേന്ദ്രസര്ക്കാരോ ഇതുവരെ വിശദീകരിക്കാന് തയാറായിട്ടില്ലെന്നും എ. കെ. ആന്റണി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ക്രമക്കേടിന്റെ ഉത്തരവാദിത്വം ഏറ്റെടുത്ത് ജെപിസി അന്വേഷണം പ്രഖ്യാപിക്കുകയല്ലാതെ സര്ക്കാരിനു മുന്നില് മറ്റു വഴികളില്ലെന്ന് എ. കെ. ആന്റണി പറഞ്ഞു.