അഞ്ച് സംസ്ഥാനങ്ങളില് മുസ്ലിംകളെ മാത്രം മാറ്റി നിര്ത്തി ഇതര അഭയാര്ത്ഥികള്ക്ക് പൗരത്വം നല്കാനുള്ള കേന്ദ്ര സര്ക്കാര് നീക്കത്തിനെതിരെ മുസ്ലിംലീഗ് സുപ്രീം കോടതിയെ സമീപിച്ചു. പൗരത്വത്തിന് അപേക്ഷ ക്ഷണിച്ച് കേന്ദ്ര സര്ക്കാര് ഇറക്കിയ വിജ്ഞാപനം അടിയന്തരമായി സ്റ്റേ ചെയ്യണമെന്ന് ലീഗ് ആവശ്യപ്പെട്ടു.
ഗുജറാത്ത്, രാജസ്ഥാന്, ഛത്തീസ്ഗഡ്, ഹരിയാന, പഞ്ചാബ് എന്നീ സംസ്ഥാനങ്ങളില് താമസിക്കുന്ന മുസ്ലിം ഇതര അഭയാര്ത്ഥികളില് നിന്ന് പൗരത്വത്തിനുള്ള അപേക്ഷ സ്വീകരിക്കാനുള്ള വിജ്ഞാപനം കേന്ദ്ര സര്ക്കാര് ക്ഷണിച്ചിരുന്നു. ഇതിന് പിന്നാലെയാണ് കേന്ദ്രത്തിന്റെ വിജ്ഞാപനം ചോദ്യം ചെയ്ത് മുസ്ലിം ലീഗ് സുപ്രീം കോടതിയെ സമീപിക്കുന്നത്. ഹരജി ഇന്ന് ഫയല് ചെയ്യും.
പൗരത്വ നിയമ ഭേദഗതി ചോദ്യം ചെയ്ത് മുസ്ലിംലീഗ് ജനറല് സെക്രട്ടറി പികെ കുഞ്ഞാലികുട്ടി നല്കിയ ഹര്ജിയിലാണ് പുതിയ അപേക്ഷ സുപ്രീം കോടതിയില് ഫയല് ചെയ്തത്. മതാടിസ്ഥാനത്തില് പൗരത്വം നല്കാനുള്ള കേന്ദ്ര സര്ക്കാരിന്റെ നീക്കം ഭരണഘടന ഉറപ്പ് നല്കുന്ന തുല്യതയുടെ ലംഘനം ആണെന്ന് അഭിഭാഷകന് ഹാരിസ് ബീരാന് മുഖേനെ ഫയല് ചെയ്ത അപേക്ഷയില് ലീഗ് പറയുന്നു.