തിരുവനന്തപുരം: സ്പീക്കര് തെരഞ്ഞെടുപ്പില് യുഡിഎഫ് മത്സരിക്കും. പിസി വിഷ്ണുനാഥിനെയാണ് സ്ഥാനാര്ഥിയായി യുഡിഎഫ് തെരഞ്ഞെടുത്തിരിക്കുന്നത്. വിഷ്ണുനാഥ് കുണ്ടറയില് മുന് മന്ത്രി മേഴ്സിക്കുട്ടിയമ്മയെ പരാജയപ്പെടുത്തിയാണ് നിയമസഭയിലെത്തിയത്. 99 സീറ്റുള്ള എല്ഡിഎഫിനാണ് നിയമസഭയില് ഭൂരിപക്ഷം. 41 അംഗങ്ങളാണ് യുഡിഎഫിനുള്ളത്. എം.ബി രാജേഷാണ് സ്പീക്കര് സ്ഥാനത്തേക്ക് മത്സരിക്കുന്ന എല്ഡിഎഫ് സ്ഥാനാര്ഥി.
മുസ്രിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പതിനഞ്ചാം നിയമസഭയുടെ ആദ്യ സമ്മേളനത്തിന് ഇന്ന് തുടക്കമായി. നിയമസഭയിലേക്ക് തെരഞ്ഞെടുക്കപ്പെട്ട എം.എല്.എ മാരുടെ സത്യപ്രതിജ്ഞാ ചടങ്ങ് പുരോഗമിക്കുകയാണ്. 53 പേരാണ് പുതുതായി സഭയിലേക്ക് തെരഞ്ഞെടുക്കപ്പെട്ടിരിക്കുന്നത്. ആകെ അംഗങ്ങളുടെ 37 % പുതുമുഖങ്ങളാണ്. കഴിഞ്ഞ സഭയിലെ 75 അംഗങ്ങള് വീണ്ടും വിജയിച്ചു. 2016- ന് മുമ്പ് അംഗങ്ങളായിരുന്ന 12 പേര് സഭയിലേക്ക് തിരിച്ചെത്തിയിട്ടുമുണ്ട്. മേയ് 20- നാണ് മുഖ്യമന്ത്രിയടക്കം പുതിയ മന്ത്രി സഭയിലെ എല്ലാ മന്ത്രിമാരും സത്യപ്രതിജ്ഞ ചെയ്തത്. മന്ത്രിസഭയുടെ സത്യപ്രതിജ്ഞ ചടങ്ങിൽ 250 ൽ താഴെ ആളുകൾ മാത്രമാണ് പങ്കെടുത്തിരുന്നത്.