തിരുവനന്തപുരം: മഹിളാ കോണ്ഗ്രസ് അധ്യക്ഷ സ്ഥാനത്ത് നിന്നും രാജിവെച്ച് പാര്ട്ടി വിട്ട ലതികാ സുഭാഷ് എന്സിപിയിലേക്ക്. രണ്ട് ദിവസത്തിനകം ഔദ്യോഗിക പ്രഖ്യാപനം ഉണ്ടാവും. ഇത് സംബന്ധിച്ച് ലതികാ സുഭാഷ് എന്സിപി നേതാവ് പിസി ചാക്കോയുമായി ചര്ച്ച നടത്തി. കോണ്ഗ്രസ് പാരമ്പര്യമുള്ള ഒരു ദേശീയ പാര്ട്ടി എന്ന നിലയിലാണ് എന്സിപി പ്രവേശനം എന്നാണ് ലതികാ സുഭാഷിന്റെ പ്രതികരണം.
'എന്സിപിയുടെ ആളുകള് നേരത്തെ വിളിച്ചിരുന്നു. എന്സിപി പ്രവേശനത്തോടെ പ്രവര്ത്തന മേഖല കൂടുതല് ശക്തമാക്കാന് കഴിയുമെന്നാണ് പ്രതീക്ഷിക്കുന്നത്. തീരുമാനം ഔദ്യോഗിക വൃത്തങ്ങള് ഉടന്തന്നെ പ്രഖ്യാപിക്കും' എന്ന് ലതികാ സുഭാഷ് പറഞ്ഞു.
മുസ്രിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നിയമസഭാ തെരഞ്ഞെടുപ്പില് സ്ഥാനാര്ത്ഥിത്വം ലഭിക്കാത്തതിനെ തുടര്ന്നാണ് ലതികാ സുഭാഷ് കോണ്ഗ്രസ് വിട്ടത്. ഇതില് പ്രതിഷേധിച്ച് കെപിസിസി ആസ്ഥാനത്ത് തലമുണ്ഡനം ചെയ്തതും വലിയ വിവാദങ്ങള്ക്ക് വഴിവെച്ചിരുന്നു. തുടര്ന്ന് ഏറ്റുമാനൂര് നിയമസഭാ മണ്ഡലത്തില് സ്ഥാനാര്ത്ഥിയായി മത്സരിച്ചിരുന്നു. 7,624 വോട്ട് നേടി യുഡിഎഫ് സ്ഥാനാര്ത്ഥിയുടെ തോല്വിയില് നിര്ണ്ണായക കാരണമായി മാറുകയും ചെയ്തു.
അതിനിടെ, കോണ്ഗ്രസുമായി ഇടഞ്ഞ് നില്ക്കുന്ന നേതാക്കളെ പാര്ട്ടിയിലെത്തിക്കാനുള്ള ശ്രമങ്ങള് നടത്തി വരികയാണ് എന്.സി.പിയുടെ സംസ്ഥാന അധ്യക്ഷ പദവി ഏറ്റെടുത്ത പി. സി. ചാക്കോ. അതിന്റെ ആദ്യപടിയാണ് ലതികാ സുഭാഷിനെ പാര്ട്ടിയിലെത്തിക്കല്. അടുത്തിടെയാണ് തന്നെ അവഗണിക്കുന്നുവെന്നാരോപിച്ച് പി.സി.ചാക്കോ കോണ്ഗ്രസ് വിട്ട് എന്സിപിയില് ചേര്ന്നത്.