ഡല്ഹി: രാജ്യത്ത് കൊവിഡ് പ്രതിസന്ധി രൂക്ഷമാവുന്ന സാഹചര്യത്തില് പ്രധാനമന്ത്രി നരേന്ദ്രമോദിയെ പരിഹസിച്ച് കോണ്ഗ്രസ് നേതാവ് രാഹുല് ഗാന്ധി. കൊവിഡ് മഹാമാരിയുടെ കാലത്ത് വാക്സിന്, ഓക്സിജന്, മരുന്ന് തുടങ്ങിയവയോടൊപ്പം പ്രധാനമന്ത്രിയെയും കാണാനില്ല. സെന്ട്രല് വിസ്റ്റ പദ്ധതിയുടെ ഭാഗമായി എല്ലായിടത്തുമുളള മോദിയുടെ ചിത്രങ്ങള് മാത്രമാണ് അവശേഷിക്കുന്നത്- രാഹുല് ട്വീറ്റ് ചെയ്തു.
കൊവിഡ് പ്രതിരോധത്തിലെ വീഴ്ച്ച, വാക്സിന്, ഓക്സിജന് ക്ഷാമം തുടങ്ങിയ വിഷയങ്ങളില് രാഹുല് ഗാന്ധി പ്രധാനമന്ത്രിയെ രൂക്ഷമായി വിമര്ശിക്കാറുണ്ട്. രാജ്യത്ത് കൊവിഡ് കേസുകള് ക്രമാതീതമായി വര്ധിക്കുമ്പോഴും പുതിയ പാര്ലമെന്റ് കെട്ടിടത്തിന്റെ നിര്മാണപ്രവര്ത്തനങ്ങളുമായി മുന്നോട്ടുപോകുന്ന കേന്ദ്രസര്ക്കാരിന്റെ നടപടിക്കെതിരെയും രാഹുല് ഗാന്ധി രംഗത്തെത്തിയിരുന്നു.
അതേസമയം, രാജ്യത്ത് 3.43 ലക്ഷം പേര്ക്കാണ് പുതുതായി കൊവിഡ് സ്ഥിരീകരിച്ചത്. ഇരുപത്തിനാല് മണിക്കൂറിനിടെ കൊവിഡ് ബാധിച്ച് മരിച്ച് നാലായിരം പേരാണ്.