ഡല്‍ഹി: അക്കൗണ്ടുകള്‍ക്കെതിരെ നടപടിയെടുക്കാത്തതില്‍ വിശദീകരണവുമായി ട്വിറ്റര്‍. കര്‍ഷകസമരത്തെക്കുറിച്ച് തെറ്റായ വാര്‍ത്തകളും വിദ്വേഷ പ്രചാരണങ്ങളും നടത്തുന്നുവെന്നാരോപിച്ച് ആയിരത്തിലേറേ അക്കൗണ്ടുകള്‍ ബ്ലോക്ക് ചെയ്യാന്‍ കേന്ദ്രം ട്വിറ്ററിനോട് ആവശ്യപ്പെട്ടിരുന്നു.
എന്നാല്‍ വാര്‍ത്താമാധ്യമ സ്ഥാപനങ്ങള്‍, മാധ്യമപ്രവര്‍ത്തകര്‍ തുടങ്ങി ആരുടെയും അക്കൗണ്ടിനുമേല്‍ ട്വിറ്റര്‍ നടപടിയൊന്നും സ്വീകരിച്ചിട്ടില്ല. അത്തരത്തിലുളള നടപടികള്‍ ഇന്ത്യന്‍ നിയമപ്രകാരം തന്നെ അഭിപ്രായസ്വാതന്ത്ര്യത്തിന്റെയും മൗലികാവകാശത്ന്‍തിറെയും ലംഘനമാവുമെന്നാണ് ട്വിറ്ററിന്റെ വിശദീകരണം.
നേരത്തെ ജനുവരി 31-നും സമാന കാരണങ്ങളുന്നയിച്ച് 257 അക്കൗണ്ടുകള്‍ നിയന്ത്രിക്കാന്‍ കേന്ദ്രം ട്വിറ്ററിനോടാവശ്യപ്പെട്ടിരുന്നു.ട്വിറ്റര്‍ കുറച്ച് മണിക്കൂറുകള്‍ അക്കൗണ്ടുകള്‍ക്ക് നിയന്ത്രണമേര്‍പ്പെടുത്തുകയും പിന്നീട് വിലക്ക് പിന്‍വലിക്കുകയും ചെയ്തിരുന്നു. ഐടി മന്ത്രാലയത്തിന്റെ അഭ്യര്‍ത്ഥന പ്രകാരം വിദ്വേഷം പരത്തുന്ന തരത്തിലുളള ഹാഷ്ടാഗുകള്‍ക്ക് നിയന്ത്രണവും ചില അക്കൗണ്ടുകള്‍ക്ക് താല്‍ക്കാലിക വിലക്കും ഏര്‍പ്പെടുത്തിയിട്ടുണ്ടെന്നും ട്വിറ്റര്‍ അറിയിച്ചു.
