ഡല്ഹി: പൊലീസും ഭരണകൂടവും കര്ഷകരെ ഉപദ്രവിക്കുന്നത് നിര്ത്തി തടവിലാക്കിയ കര്ഷകരെ മോചിപ്പിക്കാതെ സര്ക്കാരുമായി ഔദ്യോഗികമായ ചര്ച്ച ഉണ്ടാവില്ലെന്ന് സംയുക്ത കിസാന് മോര്ച്ച. റോഡുകളില് ബാരിക്കേഡുകളും മുളളുവേലികളും സ്ഥാപിക്കുക, വൈദ്യുതിയും ഇന്റര്നെറ്റും വിച്ഛേദിക്കുക, ജലവിതരണം തടസപ്പെടുത്തുക, ബിജെപി ആര്എസ്എസ് പ്രവര്ത്തകരെ ഉപയോഗിച്ച് അക്രമങ്ങളുണ്ടാക്കുക തുടങ്ങിയവ പൊലീസും ഭരണകൂടവും കര്ഷകര്ക്കെതിരാണെന്നതിന്റെ തെളിവാണെന്ന് കര്ഷകര് ആരോപിച്ചു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
സമരഭൂമിയിലെ ഇന്റര്നെറ്റ് വിച്ഛേദനവും ട്വിറ്റര് അക്കൗണ്ടുകള് പൂട്ടിയതും ജനാധിപത്യത്തിനെതിരായ ആക്രമണമാണെന്നും സമരസമിതി ചൂണ്ടിക്കാട്ടി. രാജ്യത്തെ വിവിധ സംസ്ഥാനങ്ങളില് നിന്ന് കര്ഷക പ്രതിഷേധത്തിന് ലഭിച്ചുകൊണ്ടിരിക്കുന്ന പിന്തുണയെ സര്ക്കാര് അങ്ങേയറ്റം ഭയപ്പെടുന്നുണ്ടെന്ന് സംയുക്ത കിസാന് മോര്ച്ച വ്യക്തമാക്കി. സെപ്തംബറില് പാസാക്കിയ വിവാദ കാര്ഷിക നിയമങ്ങള്ക്കെതിരായി അറുപത്തി ഒന്പത് ദിവസമായി ഡല്ഹിയുടെ അതിര്ത്തികളില് പ്രതിഷേധിക്കുകയാണ് കര്ഷകര്.