ഡല്‍ഹി: ഡല്‍ഹി-ഹരിയാന അതിര്‍ത്തിയില്‍ ഇന്റര്‍നെറ്റ് വിച്ഛേദിച്ചതിനെത്തുടര്‍ന്ന് ഹരിയാനയിലെ കുരുക്ഷേത്ര യൂണിവേഴ്‌സിറ്റി അവസാന വര്‍ഷ പരീക്ഷകള്‍ മാറ്റിവച്ചു. ഇന്ന് നടക്കാനിരുന്ന പരീക്ഷകള്‍ അനിശ്ചിതകാലത്തേക്ക് മാറ്റി വയ്ക്കുന്നതായും പുതുക്കിയ തിയതി പിന്നീട് അറിയിക്കുമെന്നും ഹരിയാന സര്‍വ്വകലാശാല ഉത്തരവില്‍ പറയുന്നു.
ഡല്‍ഹി അതിര്‍ത്തികളില്‍ ക്രമസമാധാന പ്രശ്‌നം ഉന്നയിച്ചാണ് സര്‍ക്കാര്‍ ഇന്റര്‍നെറ്റ് സേവനങ്ങള്‍ വിച്ഛേദിച്ചത്.ഹരിയാനയിലെ കൈതാല്‍, പാനിപ്പറ്റ്, ജിന്ദ്, റോഹ്തക്, ഛര്‍ക്കി, ദാദ്രി, സോണിപ്പട്ട്, തുടങ്ങിയ ജില്ലകളിലാണ് മൊബൈല്‍, ഇന്റര്‍നെറ്റ്, ഡോംഗിള്‍ സേവനങ്ങള്‍ വിച്ഛേദിച്ചിരിക്കുന്നത്. സമരത്തിന്റെ പ്രധാന വേദികളായ സിംഘു, തിക്രി എന്നിവ ഹരിയാനയുമായി അതിര്‍ത്തി പങ്കിടുന്നവയാണ്.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
കര്‍ഷകരെ ഉപദ്രവിക്കുന്ന സര്‍ക്കാരിന്റെ നടപടികള്‍ക്കെതിരെ ശനിയാഴ്ച്ച മൂന്ന് മണിക്കൂര്‍ രാജ്യവ്യാപകമായി റോഡുകള്‍ ഉപരോധിക്കുമെന്ന് സംയുക്ത കിസാന്‍ മോര്‍ച്ച അറിയിച്ചു. കേന്ദ്രത്തിന്റെ കാര്‍ഷികനിയമങ്ങള്‍ക്കെതിരായി രണ്ടു മാസത്തിലേറെയായി തലസ്ഥാനത്തിന്റെ വിവിധ അതിര്‍ത്തികളിലായി കര്‍ഷകര്‍ പ്രതിഷേധിക്കുകയാണ്. നിയമങ്ങള്‍ പിന്‍വലിക്കാതെ പിന്നോട്ടില്ലെന്ന നിലപാടില്‍ ഉറച്ചുനില്‍ക്കുകയാണ് കര്‍ഷകര്‍.
