ഡല്ഹി: റിപ്പബ്ലിക് ദിനത്തില് നടന്ന സംഘര്ഷത്തിലെ കര്ഷകന്റെ മരണം സംബന്ധിച്ച് ആളുകളെ തെറ്റിദ്ധരിപ്പിക്കുന്ന തരത്തില് ട്വീറ്റ് ചെയ്തുവെന്നാരോപിച്ച് ന്യൂസ് വെബ്സൈറ്റായ 'ദി വയര്' സിഇഒ സിദ്ധാര്ത്ഥ് വരദരാജനെതിരെ രാംപൂര് സിവില് ലൈന്സ് പോലീസ് സ്റ്റേഷനില് എഫ്ഐആര് രജിസ്റ്റര് ചെയ്തു.
രാംപൂര് സ്വദേശിയായ സഞ്ജു തുരൈഹയുടെ പരാതിയിലാണ് പോലീസ് നടപടി. രാജ്യത്തിന്റെ ഐക്യത്തിനെതിരായ മുന്വിധിയോടെയുളള ആരോപണങ്ങള്, രണ്ടു വിഭാഗങ്ങള്ക്കിടയില് ശത്രുത പ്രോത്സാഹിപ്പിക്കുന്ന തരത്തിലുളള പ്രസ്താവനകള് തുടങ്ങി ഐപിസി 153 B , 505 (2) തുടങ്ങിയ സെക്ഷനുകളാണ് സിദ്ധാര്ത്ഥ് വരദരാജനെതിരെ ചുമത്തിയിരിക്കുന്നത്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
കേസ് തനിക്കെതിരായിരിക്കാം എന്നാല് മരിച്ചയാളുടെ കുടുംബം ചോദ്യങ്ങളുന്നയിക്കാതിരിക്കുക എന്നതാണ് സര്ക്കാരിന്റെ യഥാര്ത്ഥ ഉദ്ദേശം എന്നായിരുന്നു വിഷയത്തില് സിദ്ധാര്ത്ഥ് വരദരാജന്റെ പ്രതികരണം.