മഹാരാഷ്ട്രയിൽ കർഷക പ്രക്ഷോഭത്തിന് നേതൃത്വം നൽകുന്ന ആൾ ഇന്ത്യ കിസാൻ സഭാ നേതാവ് ഡോ. അജിത് നവാലെയെ കൊന്നു കളയുമെന്ന സംഘപരിവാർ ഭീഷണിക്കെതിരെ കെകെ രാഗേഷ് എംപി. മഹാരാഷ്ട്രയിൽ സമരത്തിന് നേതൃത്വം നൽകുന്ന നവാലയെ ജനങ്ങൾ സംരക്ഷിച്ചുകൊള്ളുമെന്നും സംഘപരിവാർ ഭീഷണി നാഗ്പൂരിലെ ആപ്പീസിൽ വെച്ചാൽ മതിയെന്ന് രാഗേഷ് ഫേസ്ബുക്കിൽ കുറിച്ചു.
കർഷക സമരവുമായി മുന്നോട്ട പോയാൽ അജിത് നവാലയെ വെടിവെച്ചു കൊല്ലുമെന്നാണ് സംഘപരിവാർ ഭീഷണി. സമൂഹ മാധ്യമങ്ങളിലൂടെയായിരുന്നു വധ ഭീഷണി. കർഷക സമരം അടിച്ചമർത്താൻ സംഘപരിവാർ സംഘടനകൾ ശ്രമിക്കുന്നതായി ആരോപണം നിലനിൽക്കെയാണ് കിസാൻ സഭാ നേതാവിനെതിരെയുള്ള വധഭീഷണി. സംഘപരിവാർ വധഭീഷണിയെ കിസൻസഭാ അപലപിച്ചു. കർഷക സമരം സംഘപരിവാറിനെ വിറളിപിടിച്ചതിന്റെ ഉദാഹരണമാണ് വധഭീഷണിയെന്നും കിസാൻ സഭ അഭിപ്രായപ്പെട്ടു.