ഡെറാഡൂണ്: ഹരിദ്വാര് നിവാസിയായ സൃഷ്ടി ഗോസ്വാമിയെന്ന പെണ്കുട്ടിയെ 'ഏകദിന മുഖ്യമന്ത്രിയാക്കി'യാണ് ഉത്തരാഖണ്ഡ് സര്ക്കാര് ദേശീയ ബാലിക ദിനം അവിസ്മരണീയമാക്കിയത്. ഉത്തരാഖണ്ഡിന്റെ ചരിത്രത്തിലാദ്യമായാണ് ഒരു പെണ്കുട്ടി മുഖ്യമന്ത്രിയായി ചുമതലയേല്ക്കുന്നത്. സൃഷ്ടി ഗോസ്വാമിയും കുടുംബവും ദല്ത്താംപൂര് ഗ്രാമത്തിലാണ് താമസിക്കുന്നത്, അഗ്രികള്ച്ചറില് ബിരുധ വിദ്യാര്ത്ഥിയാണ് ഇരുപതുകാരിയായ സൃഷ്ടി.
2018 മുതല് ബാല വിധാന്സഭ(കുട്ടികളുടെ സംസ്ഥാന അസംബ്ലി)യുടെ മുഖ്യമന്ത്രിയാണ് സൃഷ്ടി. ദേശീയ ബാലികാദിനത്തില് തന്നെ ഉത്തരാഖണ്ഡിന്റെ ഏകദിന മുഖ്യമന്ത്രിയാക്കിയതിന് മുഖ്യമന്ത്രി ത്രിവേന്ദ്രസിംഗ് റാവത്തിന് നന്ദി അവള് നന്ദി പറഞ്ഞു. വിവിധ വകുപ്പുകളിലെ ഉദ്യോഗസ്ഥര് അതതു മേഖലകളുമായി ബന്ധപ്പെട്ട വിഷയങ്ങള് അഞ്ച് മിനിറ്റില് അവതരിപ്പിക്കും. അതിനുശേഷം പെണ്കുട്ടികളുടെ പ്രശ്നങ്ങളും സുരക്ഷയുമായി ബന്ധപ്പെട്ട വിഷയങ്ങളില് താന് നിര്ദേശങ്ങള് നല്കുമെന്ന് സൃഷ്ടി ഗോസ്വാമി പറഞ്ഞു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
മകള്ക്ക് ഇത്തരമൊരു അവസരം നല്കിയതിന് സൃഷ്ടിയുടെ പിതാവ് പ്രവീണ് ഗോസ്വാമിയും മാതാവ് സുധ ഗോസ്വാമിയും സര്ക്കാരിനോട് പറഞ്ഞു.