ചെന്നൈ: ഇന്ധനവില വര്ദ്ധനവില് കേന്ദ്രത്തിനെതിരെ ആഞ്ഞടിച്ച് കോണ്ഗ്രസ് നേതാവ് രാഹുല് ഗാന്ധി. പണപ്പെരുപ്പം മൂലം ജനങ്ങള് ദുരിതമനുഭവിക്കുമ്പോള് മോദി സര്ക്കാര് നികുതി പിരിക്കുന്ന തിരക്കിലാണെന്നും രാഹുല് കുറ്റപ്പെടുത്തി. രാജ്യത്തെ പെട്രോള് ഡീസല് വില എക്കാലത്തെയും ഉയര്ന്ന നിരക്കില് എത്തിനില്ക്കുന്ന സാഹചര്യത്തിലാണ് കേന്ദ്രത്തിനെതിരായ രാഹുല് ഗാന്ധിയുടെ വിമര്ശനം.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
മോദിയ്ക്ക് ജിഡിപി വളര്ച്ച എന്നാല് പാചകവാതക വിലയും ഇന്ധനവിലയും ഉയര്ത്തലാണെന്ന് രാഹുല് ട്വീറ്റ് ചെയ്തു. കഴിഞ്ഞ ദിവസം ഡല്ഹിയില് 85.70 രൂപയും മുംബൈയില് 92.28 രൂപയുമായിരുന്നു പെട്രോളിന് വില. ഒരാഴ്ച്ചക്കിടെ നാലാംതവണയാണ് രാജ്യത്ത് ഇന്ധനവില ഉയരുന്നത്. ഡീസല് നിരക്ക് തലസ്ഥാനത്ത് ലിറ്ററിന് 75ഉം മുംബൈയില് 82 രൂപയുമായി ഉയര്ന്നിട്ടുണ്ട്.