പൂനെ സിറം ഇൻസ്റ്റിറ്റ്യൂട്ടിൽ തീപിടുത്തം. പൂനെയിലെ മാഞ്ച്രിയിലെ പ്ലാന്റിലാണ് അപകടമുണ്ടായത്. ടെർമിനൽ ഒന്നിൽ നിർമാണം നടക്കുന്ന കെട്ടിടത്തിന്റെ രണ്ടാം നിലയിലാണ് തീപിടുത്തം ഉണ്ടായത്. മറ്റു പ്രദേശങ്ങളിലേക്കും തീപടർന്നിട്ടുണ്ട്. കൊവിഡ് വാക്സിൻ അടക്കമുള്ളവ നിർമിക്കുന്ന രാജ്യത്തെ പ്രധാന സ്ഥാപനമാണ് സിറം ഇൻസ്റ്റിറ്റ്യൂട്ട്.
വാക്സിൻ നിർമാണ പ്ലാൻ്റ് സുരക്ഷിതമാണെന്ന് സിറം ഇൻസ്റ്റിറ്റ്യൂട്ട് അറിയിച്ചു. നിർമിച്ച വാക്സിനുകളും സുരക്ഷിതമാണ്. വാക്സിൻ നിർമിക്കുന്ന പ്ലാൻിൽ അല്ല തീപിടുത്തം ഉണ്ടായത്.
തീ അണക്കാനുള്ള ശ്രമം തുടരുകയാണ്. ഫയർ ഫോഴ്സിന്റെ പത്തോളം യൂണിറ്റുകളാണ് തീ അണക്കാനായി എത്തിയിട്ടുണ്ട്. കെട്ടിടത്തിൽ കുടുങ്ങിയ തൊഴിലാളികളെ രക്ഷപ്പെടുത്തിയിട്ടുണ്ട്. അപകട കാരണം വ്യക്തമായിട്ടില്ല.