മുംബൈ: മഹാരാഷ്ട്രയില് ആശുപത്രി തീപ്പിടുത്തത്തില് പത്ത് നവജാതശിശുക്കള്ക്ക് ജീവന് നഷ്ടമായി. മുംബൈയില് നിന്ന് 900 കിലോമീറ്റര് അകലെ ബണ്ഡാര ജില്ലയിലെ ആശുപത്രിയിലാണ് പുലര്ച്ചെ രണ്ടുമണിയോടുകൂടി അപകടമുണ്ടായത്. ഒരു ദിവസം മുതല് മൂന്നുമാസം വരെ പ്രായമുളള പതിനേഴ് കുഞ്ഞുങ്ങളാണ് അപകടസമയത്ത് നവജാതശിശു സംരക്ഷണ വിഭാഗത്തില് (എസ്എന്സിയു) ഉണ്ടായിരുന്നത്. ഇന്ബോണ് വാര്ഡിലുണ്ടായിരുന്ന ഏഴ് കുഞ്ഞുങ്ങളെ അഗ്നിശമനസേനാംഗങ്ങള് രക്ഷപ്പെടുത്തി.
നവജാതശിശു സംരക്ഷണ വിഭാഗത്തില് നിന്ന് പുക വരുന്നത് ശ്രദ്ധിച്ച നഴ്സാണ് വിവരം ഡോക്ടര്മാരെ അറിയിച്ചത്. ആശുപത്രിയിലെ സുരക്ഷാസംവിധാനങ്ങളുപയോഗിച്ച് തീയണക്കാന് ജീവനക്കാര് ശ്രമിച്ചിരുന്നു എന്നാല് വളരെയധികം പുക ഉയര്ന്നത് തടസമായി. തീപ്പിടുത്തത്തിന്റെ കാരണം ഇതുവരെ വ്യക്തമായിട്ടില്ല, ഷോര്ട്ട് സര്ക്ക്യൂട്ട് മൂലമാണ് അപകടമുണ്ടായതെന്നാണ് പ്രാഥമിക നിഗമനം, മറ്റു വാര്ഡുകളിലുണ്ടായിരുന്ന രോഗികളെ സുരക്ഷിതമായ സ്ഥാനത്തേക്ക് മാറ്റിയിട്ടുണ്ടെന്ന് ആശുപത്രി അധികൃതര് വ്യക്തമാക്കി.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
മഹാരാഷ്ട്ര ബണ്ഡാരയിലെ ദുരന്തം വേദനിപ്പിക്കുന്ന ഒന്നാണ്. കുഞ്ഞു ജീവനുകളാണ് നമുക്ക് നഷ്ടമായിരിക്കുന്നത്, രക്ഷപ്പെടുത്തിയ കുഞ്ഞുങ്ങള് എത്രയും പെട്ടെന്ന് സുഖം പ്രാപിക്കുമെന്ന് പ്രതീക്ഷിക്കുന്നതായും മരണപ്പെട്ട കുഞ്ഞുങ്ങളുടെ കുടുംബങ്ങള്ക്ക് അനുശോചനമറിയിച്ചുകൊണ്ട് പ്രധാനമന്ത്രി നരേന്ദ്രമോദി പറഞ്ഞു. ആഭ്യന്തരമന്ത്രി അമിത് ഷാ, കോണ്ഗ്രസ് നേതാവ് രാഹുല് ഗാന്ധി, ആരോഗ്യമന്ത്രി ഹര്ഷ് വര്ദ്ധന് എന്നിവരും സംഭവത്തില് അനുശോചനം രേഖപ്പെടുത്തി.