ഡല്ഹി: യുഎപിഎ, രാജ്യദ്രോഹം എന്നീ കുറ്റങ്ങള് ചുമത്തപ്പെട്ട് ജയിലില് കഴിയുന്ന രൂപേഷിന്റെ വിടുതല് ഹര്ജി അംഗീകരിച്ച ഹൈക്കോടതി വിധിക്കെതിരെ സുപ്രീം കോടതിയില് പോയ സംസ്ഥാനത്തിന് സുപ്രീം കോടതി നോട്ടീസയച്ചു. ആറാഴ്ച സമയമനുവദിച്ചുകൊണ്ട് ജസ്റ്റിസ് അശോക് ഭൂഷണ്, ജസ്റ്റിസ് എം. ആര്. ഷാ എന്നിവരുള്പ്പെട്ട ബെഞ്ചാണ് കേരളാ സര്ക്കാരിന് നോട്ടീസയച്ചത്.
രൂപേഷിനെതിരായ രാജ്യദ്രോഹക്കേസില് പ്രോസിക്യുഷന് അനുമതിയില്ലാതെ വിചാരണക്കോടതിക്ക് നടപടി എടുക്കാന് കഴില്ലെന്നു വ്യക്തമാക്കിക്കൊണ്ടാണ് ഹൈക്കോടതി, രൂപേഷിന്റെ വിടുതല് ഹരജി അംഗീകരിച്ചത്. യുഎപിഎ സമയബന്ധിതമായി നല്കാതിരുന്നതും ഹൈക്കോടതി ചൂണ്ടിക്കാണിച്ചിരുന്നു. എന്നാല് യുഎപിഎ നിയമം അനുസരിച്ച് പ്രോസിക്യുഷന് അനുമതി നിര്ബന്ധമുള്ള കാര്യമല്ലെന്ന് സംസ്ഥാന സര്ക്കാരിന് വേണ്ടി വാദിച്ച മുതിര്ന്ന അഭിഭാഷകനും മുന് സോളിസിറ്റര് ജനറലുമായ മനീന്ദര് സിംഗ്, സംസ്ഥാന സര്ക്കാരിന്റെ സ്റ്റാന്ഡിംഗ് കൌണ്സില് നിഷേ രാജന് ഷോങ്കാര് എന്നിവര് വാദിച്ചു.
നിരോധിത സംഘടനയായ മാവോയിസ്റ്റുകളുടെ ലഘുലേഘ വിതരണം ചെയ്തുവേന്നാരോപിച്ച് 2013-ല് കുറ്റ്യാടി സ്റ്റേഷനില് രെജിസ്റ്റര് ചെയ്ത രണ്ടു കേസുകളിലും വളയം പൊലിസ് സ്റ്റേഷനില് 2014-ല് രെജിസ്റ്റെര് ഒരു കേസിലുമാണ് രൂപേഷിന്റെ വിടുതല് ഹര്ജി ഹൈക്കോടതി അംഗീകരിച്ചത്