ഡല്ഹി: പുതുവര്ഷത്തില് ഇന്ത്യയില് പിറന്നത് അറുപതിനായിരം കുഞ്ഞുങ്ങള്. ഇതോടെ ഈ പുതുവത്സരദിനത്തില് ഏറ്റവും കൂടുതല് കുഞ്ഞുങ്ങള് ജനിച്ച രാജ്യമായി ഇന്ത്യ മാറി. എന്നാല് കഴിഞ്ഞ വര്ഷം ഇതേ ദിവസത്തേക്കാള് ജനനനിരക്കില് 7390 പേരുടെ കുറവാണ് ഈ വര്ഷം രേഖപ്പെടുത്തിയത്.
ചൈനയാണ് നവജാതശിശുക്കളുടെ കാര്യത്തില് ഇന്ത്യക്കു പിന്നില്, 35,615 കുഞ്ഞുങ്ങളാണ് ചൈനയില് ഇത്തവണ പുതുവര്ഷത്തില് ജനിച്ചതെന്ന് യുനിസെഫിന്റെ കണക്കുകള് വ്യക്തമാക്കുന്നു. പുതുവര്ഷത്തിന്റെ ആദ്യ ദിവസത്തില് ലോകമെമ്പാടുമായി മൂന്നുലക്ഷത്തി എഴുപത്തൊന്നായിരത്തി അഞ്ഞൂറ്റി നാല് കുഞ്ഞുങ്ങള് ജനിച്ചിട്ടുണ്ടെന്നാണ് യുനിസെഫിന്റെ കണക്കുകള്. ഇതില് 52 ശതമാനം കുഞ്ഞുങ്ങളും ജനിച്ചത് 10 രാജ്യങ്ങളില് നിന്ന് മാത്രമാണ് എന്നതാണ് പ്രത്യേകത.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ഈ വര്ഷം ലോകത്ത് 140 ദശലക്ഷം കുഞ്ഞുങ്ങള് ജനിക്കാന് സാധ്യതയുണ്ട്, അവരുടെ ശരാശരി ആയുര്ദൈര്ഘ്യം 84 വയസാണ്. ലോകമെമ്പാടുമായി കൊറോണ ബാധിച്ച് മരിച്ച മനുഷ്യരേക്കാള് 78 ഇരട്ടി കുട്ടികള് ഈ വര്ഷം ജനിക്കുമെന്നാണ കണക്കുകള് സൂചിപ്പിക്കുന്നത്. ഇന്ത്യയില് ജനിക്കുന്ന കുഞ്ഞുങ്ങളുടെ ശരാശരി ആയുര്ദൈര്ഘ്യം 80 വയസാണ്.