തിരുവനന്തപുരം: ബസ് വാറന്റുപയോഗിച്ച് പൊലീസുകാര്ക്ക് കെ.എസ്.ആര്.ടി.സിയുടെ എല്ലാ ബസ്സുകളിലും ഇനി മേല് യാത്ര ചെയ്യാം. ഇതുസംബന്ധിച്ച് പുതിയ ഉത്തരവ് പുറത്തിറങ്ങി. ഇതനുസരിച്ച് സര്ക്കാര് ഉടമസ്ഥതയിലുള്ള എയര് കണ്ടീഷന്ഡ്, ലക്ഷ്വറി ,മിന്നല് തുടങ്ങി വിഭാഗം നോക്കാതെ പൊലീസുദ്യോഗസ്ഥര്ക്ക് സൌജന്യ യാത്ര നടത്താം.
സൌജന്യ യാത്ര സംബന്ധിച്ച് നേരത്തെ തര്ക്കങ്ങള് നിലനിന്നിരുന്നു. അത്യാവശ്യമാണെങ്കില് മാത്രം അര്ഹരായ ഉദ്യോഗസ്ഥര്ക്ക് എസി / മിന്നല് / ലക്ഷ്വറി ബസ്സുകളില് യാത്ര അനുവദിക്കാം എന്നായിരുന്നു നേരത്തെ ട്രാന്സ്പോര്ട്ട് കോര്പ്പറേന് സ്വീകരിച്ച നിലപാട്.
എന്നാല് ഇത് നിരന്തരം ജീവനക്കാരും പോലീസുദ്യോഗസ്ഥരും തമ്മിലുള തര്ക്കങ്ങള്ക്ക് കാരണമായതോടെയാണ് ഡിജിപി പരിഹാര നിര്ദ്ദേശങ്ങളടങ്ങിയ പുതിയ കത്ത് കൈമാറിയത്. ഇതിനുള്ള മറുപടിയിലാണ് ബസ് വാറന്റുപയോഗിച്ച് പൊലീസുകാര്ക്ക് കെ.എസ്.ആര്.ടി.സിയുടെ എല്ലാ ബസ്സുകളിലും യാത്ര ചെയ്യാമെന്ന് കാണിച്ച് കെ.എസ്.ആര്.ടി.സി പുതിയ ഉത്തരവിറക്കിയിരിക്കുന്നത്.