തിരുവനതപുരം: സിഎജി റിപ്പോര്‍ട്ടുമായി ബന്ധപ്പെട്ട വിവാദങ്ങള്‍ക്കിടെ നിയസഭ സമ്മേളനം ഇന്നാരംഭിച്ചു. വിവിധ പദ്ധതികളുമായി ബന്ധപ്പെട്ട സിഎജി റിപ്പോര്‍ട്ട് ഇരുതല മൂര്‍ച്ചയുള്ള വാളാണെന്ന് ഇതിനകം ഇരുമുന്നണികളും തിരിച്ചറിഞ്ഞിട്ടുണ്ട്. വെടിയുണ്ടയുണ്ടയടക്കം മുന്‍ സര്‍ക്കാരുകളെ കൂടി ബാധിക്കുന്ന കാര്യമായതിനാല്‍ അതിന് മേല്‍ അധികം വാഗ്വാദങ്ങള്‍ ഭരണ-പ്രതിപക്ഷ കക്ഷികള്‍ തമ്മില്‍ ഉണ്ടാവില്ലാ എന്നാണ് നിരീക്ഷകര്‍ കരുതുന്നത്.
അതേ സമയം പ്രതിപക്ഷത്തിന് കഴിഞ നിയമസഭാ സമ്മേളനത്തില്‍ പല നിലക്ക് ലഭിച്ച മുന്‍കൈ അവസാനിപ്പിക്കാന്‍ പാകത്തില്‍ തങ്ങള്‍ക്ക് കിട്ടിയ ആയുധം എന്ന നിലയില്‍ മുന്‍ മന്ത്രിമാരായ ഇബ്രാഹിം കുഞ്ഞ്, വി.എസ്‌.ശിവകുമാര്‍ എന്നിവര്‍ക്കെതിരെ നടക്കുന്ന വിജിലന്‍സ് അന്വേഷണങ്ങള്‍ ഭരണപക്ഷത്തിന് ആത്മവിശ്വാസം പകര്‍ന്നിട്ടുണ്ട്. അതേ സമയം നിയമസഭാ അംഗങ്ങളും മുതിര്‍ന്ന നേതാക്കളുമായ ഇവരെ രണ്ടുപേരെയും നിയമസഭയില്‍ വളഞ്ഞിട്ട് അക്രമിക്കേണ്ടതില്ല എന്ന നിലപാടും ഭരണപക്ഷത്ത് ശക്തമാണ്.
