ഹിന്ദി ടെലിവിഷന് താരം ദിവ്യ ഭട്നഗര് കൊവിഡ് ബാധിച്ച് മരിച്ചു. 34 വയസായിരുന്നു. രോഗം ബാധിച്ച് നടിയുടെ നില അതീവഗുരുതരമായിരുന്നു . വെന്റിലേറ്ററിന്റെ സഹായത്തോടെയായിരുന്നു ജീവൻ നിലനിർത്തിയത്. ഇന്ന് പുലർച്ചെയാണ് അന്ത്യം സംഭവിച്ചത്.
കഴിഞ്ഞ മാസം 26 നാണ് ഇവരെ ആശുപത്രിയിൽ പ്രവേശിപ്പിച്ചത്. തേര യാര് ഹൂന് മെയ്ന് എന്ന കോമേഡി ഷോക്ക് ഇടയിലാണ് ദിവ്യ രോഗ ബാധിതയായത്. തുടർന്നാണ് ആശുപത്രിയിൽ പ്രവേശിപ്പിച്ചത്.
സ്റ്റാര് പ്ലസ് ചാനലിലെ യെ രിഷ്താ ക്യാ കെഹ്ലാത്താ ഹെ എന്ന സീരിയലിലൂടെയാണ് ദിവ്യ പ്രശസ്തയായത്. സീരിയലിലെ വീട്ടു ജോലിക്കാരിയുടെ വേഷം ഇവരെ പ്രേക്ഷകരുടെ ഇഷ്ടതാരമാക്കി.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ഹായ്, സന്സ്കാര്, ഉദാന്, ജീത് ഗെയ് തോ പിയ മോറെ, വിഷ് തുടങ്ങി നിരവധി ടെലിവിഷന് പരിപാടികളില് പങ്കെടുത്തിട്ടുണ്ട്. തേരാ യാര് ഹൂം മേം സീരീസിന്റെ നിര്മ്മാതാക്കളായ ശശി സുമീത് പ്രോഡക്ഷന്സ് ദിവ്യയുടെ ചികിത്സക്കായി സാമ്പത്തിക സഹായങ്ങള് നല്കിയിരുന്നു.