വിപണികളിലെ ഫ്രഞ്ച് ഉൽപ്പന്നങ്ങൾ ബഹിഷ്കരിക്കുമെന്ന് അറബ് വ്യാപാര സംഘടനകൾ. ഫ്രഞ്ച് പ്രസിഡന്റ് ഇമ്മാനുവൽ മാക്രോൺ നടത്തിയ ഇസ്ലാംവിരുദ്ധ പരാമർശത്തെ തുടർന്നാണ് സംഘടനകളുടെ ഈ തീരുമാനം.
ആക്ഷേപഹാസ്യ രൂപത്തിൽ മുഹമ്മദ് നബിയുടെ കാർട്ടൂൺ വരച്ചതിനെ ഇമ്മാനുവൽ പിന്തുണച്ചിരുന്നു. കാര്ട്ടൂണ് ക്ലാസ്സിൽ കാണിച്ചതിന്റെ പേരില് കൊല്ലപ്പെട്ട അധ്യാപകന് പരമോന്നത ബഹുമതി നല്കി ആദരിക്കുമ്പോൾ അദ്ദേഹം നടത്തിയ പരാമര്ശം വിവാദമായിരുന്നു. ഇസ്ലാമിസ്റ്റുകള്ക്ക് ഫ്രാന്സിന്റെ ഭാവി സ്വന്തമാക്കാന് വേണ്ടിയാണ് ഈ കൊലപാതകം നടന്നതെന്നും ഫ്രാന്സില് അതൊരിക്കലും നടക്കില്ലെന്നുമാണ് ഇമ്മാനുവൽ പറഞ്ഞത്. ഈ പരാമർശത്തെ തുടർന്നാണ് വ്യാപാര സംഘടനകൾ ബഹിഷ്കരണം ആഹ്വാനം ചെയ്തത്.
ഇതേ വിഷയത്തിൽ, ഫുട്ബോള് താരം പോള് പോഗ്ബ ഫ്രഞ്ച് ദേശീയ ടീമില് നിന്നും രാജിവെച്ചിരുന്നു. ഫ്രാന്സിലെ മുസ്ലിങ്ങളെ ഫ്രഞ്ച് പ്രസിഡന്റ് അപമാനിച്ചുവെന്ന് പറഞ്ഞാണ് ഇദ്ദേഹം രാജിവെച്ചത്.