തൃശൂര്‍: ത്രുശൂര്‍ മേയറായി അജിത ജയരാജന്‍ തെരഞ്ഞെടുക്കപ്പെട്ടു. കോണ്‍ഗ്രസിലെ പ്രസീജ ഗോപകുമാറിനെ 20 നെതിരെ 26 വോട്ടുകള്‍ക്ക് പരാജയപ്പെടുത്തിയാണ് മേയര്‍ സ്ഥാനത്തേക്കുള്ള തെരഞ്ഞെടുപ്പില്‍ അജിത ജയരാജന്‍ വിജയിച്ചത്. ഇടതു മുന്നണിയിലെ ധാരണ പ്രകാരം സിപിഐ പ്രതിനിധിയായ നിലവിലെ മേയര്‍ അജിത വിജയന്‍ രാജിവെച്ചതാണ് പുതിയ തെരഞ്ഞെടുപ്പിന് വഴിയൊരുക്കിയത്. കോണ്‍ഗ്രസിലെ രണ്ടു വോട്ടും ഇടതുമുന്നണിയിലെ ഒരു വോട്ടും അസാധുവായി.
ഇതേ കാലയളവില്‍ രണ്ടാം വട്ടമാണ് അജിത ജയരാജന്‍ മേയറാകുന്നത്. ജില്ലാ നഴ്സിംഗ് ഓഫീസറായിരുന്നു. പറവൂര്‍ മൂത്തംകുന്നം പുല്ലാര്‍ക്കാട്‌ പരേതരായ കുമാരന്‍റെയും ലളിതയുടെയും മകളാണ്. ആരോഗ്യ വകുപ്പ് ഓഫീസറായി വിരമിച്ച ജയരാജനാണ് ഭര്‍ത്താവ്.
