മന്ത്രി കെ ടി ജലീൽ തെറ്റ് ചെയ്തതായി കരുതുന്നില്ലെന്ന് മന്ത്രി എം എം മണി. ചോദ്യം ചെയ്യൽ നടപടി ക്രമം മാത്രമാണ്. അതിലൊന്നും ആശങ്കയ്ക്ക് വകയില്ല. മന്ത്രിക്കെതിരായ ആരോപണങ്ങളെക്കുറിച്ച് അറിയുന്നത് മാധ്യമങ്ങളിലൂടെയാണ്. വേറൊന്നും ചെയ്യാനില്ലാത്തതു കൊണ്ടാണ് കോൺഗ്രസുകാർ പ്രതിഷേധിക്കുന്നതെന്നും മന്ത്രി പറഞ്ഞു.
മന്ത്രിയെ വിളിച്ചു വരുത്തി ചോദ്യം ചെയ്യുക എന്നത് വലിയ പ്രമാദമായ കാര്യമൊന്നും അല്ലെന്നും, ഈ പ്രക്ഷോഭങ്ങള്ക്ക് യാതൊരു അടിസ്ഥാനവും ഇല്ലെന്നും ദേവസ്വം വകുപ്പ് മന്ത്രി കടകംപള്ളി സുരേന്ദ്രനും പറഞ്ഞു. പ്രക്ഷോഭത്തിലൂടെ കൊവിഡ് പരത്താനുള്ള ഗൂഡമായ ശ്രമമാണ് പ്രതിപക്ഷം നടത്തുന്നതെന്നും അദ്ദേഹം ആരോപിച്ചു.
എന്നാല് മന്ത്രി കെ.ടി ജലീലിന്റെ രാജി ആവശ്യപ്പെട്ട് സംസ്ഥാനത്ത് യുവജനസംഘടനകളുടെ പ്രതിഷേധം ശക്തമാണ്. സെക്രട്ടേറിയറ്റിലേക്ക് യൂത്ത് ലീഗ്, യുവമോര്ച്ച പ്രവര്ത്തകര് നടത്തിയ മാര്ച്ചില് സംഘര്ഷമുണ്ടായി. യൂത്ത് കോണ്ഗ്രസ് യൂത്ത് ലീഗ് പ്രവര്ത്തകര് എല്ലാ ജില്ലകളിലും നടത്തിയ പ്രതിഷേധ മാര്ച്ചുകള് സംഘര്ഷത്തില് കലാശിച്ചു. പൊലീസ് ജലപീരങ്കിയും ഗ്രെനേഡും പ്രയോഗിച്ചു.
സെക്രട്ടറിയേറ്റിലേക്ക് യൂത്ത് ലീഗ് പ്രവര്ത്തകരാണ് ആദ്യം പ്രതിഷേധവുമായെത്തിയത്. മാര്ച്ച് സംഘര്ഷത്തില് കലാശിച്ചു. പിന്നാലെ യുവ മോര്ച്ച പ്രവര്ത്തകരും സെക്രട്ടറിയേറ്റിലേക്ക് പ്രതിഷേധം സംഘടിപ്പിച്ചു.