വല്ല്യ പെരുന്നാള്‍: ജീവിത പരീക്ഷണങ്ങളെ ഉള്ളുറപ്പോടെ നേരിട്ടതിന്റെ ഓര്‍മ്മദിനം

പുണ്യപ്പെരുക്കങ്ങള്‍ കൊണ്ട് പെരും നാളുകളെന്നു വിശ്വാസികള്‍ കരുതുന്ന റംസാന് പരിസമാപ്തി കുറിച്ചുകൊണ്ട് ചെറിയപെരുന്നാളും ചാഞ്ചല്യമില്ലാത്ത വിശ്വാസദാര്‍ഢൃത്തിന്റെ ഓര്‍മ്മദിനത്തെ വല്ല്യപെരുന്നാളുമായി ആഘോഷിക്കുന്നവരാണ് മലയാളികള്‍! ഇല്ലെങ്കില്‍ ഇല്ലാത്തതുപോലെ ആഘോഷിച്ചാല്‍ മതി ! പുത്തന്‍ ഉടുപ്പുകള്‍ വാങ്ങാന്‍ കഴിവില്ലെങ്കില്‍ ചെറിയ പെരുന്നാളിന് ധരിച്ചത് വല്ല്യ പെരുന്നാളിനേ ക്കായി മടക്കി സൂക്ഷിച്ചു മലയാളി. 


അതെ, പിന്നീട് കൂടുതല്‍ പരിഷ്ക്കാരികളായ നാം ഭാഷയിലെ പോരായ്മയെന്ന് കരുതി പരിഷ്ക്കരിച്ച് ബലിപെരുന്നാളാക്കിയ വല്ല്യ പെരുന്നാളിന് ജന്മനാ കിട്ടിയ ത്യഗപ്പെരുമ, പോയകാലത്ത് മലയാളിയുടെ ഇല്ലായ്മയുണ്ടാക്കിയ എളിമയുടെ ഓര്‍മ്മപ്പെരുക്കങ്ങളാല്‍ സമ്പന്നമാണ്. അങ്ങനെയങ്ങനെ പലതുകൊണ്ട് ലോകമാകെ ആചരിക്കുന്ന ബക്രീദ് മലയാളികളുടെ സ്വന്തം ഗൃഹാതുരത പേറുന്ന വല്ല്യപെരുന്നാളായി, അസ്ഥികളില്‍ പിടിച്ച നെയ്ച്ചോറിന്റെയും ഇറച്ചി വരട്ടിയതിന്റെയും പരിമളമായി. ആ പരിമളത്തിന്റെ പരിലാളനയില്‍ നിന്ന് ആരും ഒഴിഞ്ഞു പോകരുതെന്ന് അതിനു നിര്‍ബന്ധമുണ്ടായിരുന്നു. അതുകൊണ്ട് ഇറച്ചിമണം പൊങ്ങാത്ത വീടുകളില്‍ അത് ഇറച്ചിയെത്തിച്ചു. ഐതിഹ്യം കേട്ടു കോരിത്തരിച്ചിരുന്നവര്‍ക്ക് വീടുക്ളിലെത്തിച്ചും പരസ്പരം വീടുകളില്‍ കൂടിക്കലര്‍ന്നും മലയാളി ഇല്ലായ്മയുടെ നാളുകളില്‍ ത്യാഗത്തിന്റെ പെരും നാളിനെ തങ്ങളുടെ ജീവിതത്തിലേക്ക് കൊണ്ടുവന്നു. അതുകൊണ്ടുതന്നെ ഇബ്രാഹിം നബിയുടെ ത്യാഗത്തിന്റെ  ഓര്‍മ്മദിനം മാത്രമല്ല മലയാളിക്ക് ബലിപെരുന്നാള്‍ പകരം കടുത്ത വറുതിക്ളില്‍ അവര്‍ കണ്ടെത്തിയ ജീവിതോത്സവങ്ങളുടെ പരിമളം പേറുന്ന വല്ല്യ പെരും നാള്‍ കൂടിയാണ്. 


എല്ലാവര്‍ക്കും മുസ്രിസ്  പോസ്റ്റിന്റെ വല്ല്യ പെരുന്നാള്‍ ആശംസകള്‍ !

Contact the author

Recent Posts

National Desk 2 days ago
Editorial

ബിജെപിയില്‍ പ്രവര്‍ത്തന സ്വാതന്ത്ര്യമില്ല; തൃണമൂലിലേക്ക് മടങ്ങിയ അര്‍ജുന്‍ സിംഗ്

More
More
Web Desk 2 weeks ago
Editorial

വീണ്ടും വിദ്വേഷ പ്രസംഗം; പി സി ജോര്‍ജ്ജിനെതിരെ കേസ്

More
More
Web Desk 3 weeks ago
Editorial

വിജയ് ബാബുവിനോട് വിശദീകരണം തേടി താര സംഘടനായ എ എം എം എ

More
More
Web Desk 2 months ago
Editorial

നീതിക്കായുളള പോരാട്ടത്തില്‍ എന്നെ വളരെയധികം പിന്തുണച്ച നേതാവാണ് പി ടി തോമസ്- ഭാവന

More
More
Mehajoob S.V 2 months ago
Editorial

പങ്കാളിത്ത പെന്‍ഷന്‍: പിണറായിയെ ഞെട്ടിച്ച് ഗെഹ്ലോട്ടും ഭൂപേഷ് ഭാഗലും- എസ് വി മെഹജൂബ്

More
More
Web Desk 2 months ago
Editorial

ചെറുപ്പം കാത്തുസൂക്ഷിച്ചാലും നടിമാര്‍ക്ക് നല്ല കഥാപാത്രങ്ങള്‍ കിട്ടാറില്ല- നദിയ മൊയ്തു

More
More