തിരൂര്: ഗുജറാത്തിലെ ചേരികള് അമേരിക്കന് പ്രസിഡന്റ് ഡോണാള്ഡ് ട്രംപ് കാണാതിരിക്കാനാണ് പ്രധാനമന്ത്രി നരേന്ദ്ര മോദി മതിലുകെട്ടുന്നതെങ്കില്, അതിലും ഭേദം ഡോണാള്ഡ് ട്രംപിനെ കണ്ണുകെട്ടി കൊണ്ട് വരികയായിരുന്നുവെന്ന് സുപ്രീം കോടതി അഭിഭാഷക അഡ്വ. രശ്മിതാ രാമചന്ദ്രന് പറഞ്ഞു. പൌരത്വ നിയമവും ജനാധിപത്യ അവകാശങ്ങളും എന്ന വിഷയത്തില് ഓള് ഇന്ത്യ ലോയേഴ്സ് യൂണിയന് തിരൂരില് സങ്കടിപ്പിച്ച സെമിനാറില് സംസാരിക്കുകയായിരുന്നു അവര്.
രാജ്യത്ത് ജനാധിപത്യവും ജുഡീഷ്യറിയും ദുര്ബ്ബലമാകുകയാണ്. മാസങ്ങളോളമായി അടഞ്ഞു കിടക്കുന്ന കശ്മീരിലെ റോഡുകളെക്കാള് പ്രശ്നമുല്ലതായി സുപ്രീം കോടതി കാണുന്നത് ഷാഹീന് ബാഗിലെ റോഡു തടസ്സമാണ്. ഇന്ത്യയിലെ മതനിരപേക്ഷത തകര്ത്ത സംഘപരിവാറിനെതിരെ എന്തെങ്കിലും പറയാന് കോടതികള്ക്ക് ഭയമാണെന്നും അഡ്വ.രശ്മിതാ രാമചന്ദ്രന് പറഞ്ഞു.