യുഎസ്- ചൈന ബന്ധം കൂടുതല് വഷളാകുന്നതിന്റെ സൂചനയായി ചെങ്ഡുവിലെ യുഎസ് കോണ്സുലേറ്റില് പതാക താഴ്ത്തിക്കെട്ടി. ഹ്യൂസ്റ്റണിലെ ചൈനീസ് കോൺസുലേറ്റ് അടച്ചുപൂട്ടിയതിനു പിന്നാലെയാണ് ചൈനയുടെ നടപടി. യു.എസ് നയതന്ത്രപ്രതിനിധികളോട് രാജ്യം വിടാനും ചൈന നിര്ദേശിച്ചിട്ടുണ്ട്.
72 മണിക്കൂർ സമയപരിധി അവസാനിച്ചതിനെത്തുടർന്ന് അമേരിക്കൻ നയതന്ത്ര ഉദ്യോഗസ്ഥർ ചൈനീസ് നഗരമായ ചെങ്ഡുവിലുള്ള കോണ്സുലേറ്റില്നിന്നും മാറി. പലയിടങ്ങളിലായി പതിപ്പിച്ച യു.എസിന്റെ ചിഹ്നങ്ങള് നീക്കം ചെയ്തതിനു ശേഷമാണ് പതാക താഴ്ത്തിക്കെട്ടിയത്.
ഹ്യൂസ്റ്റണിലെ ചൈനീസ് കോൺസുലേറ്റ് കേന്ദ്രീകരിച്ച് ചൈന ചാരപ്രവര്ത്തി നടത്തുന്നു എന്ന് ആരോപിച്ചാണ് യു.എസ് കോൺസുലേറ്റ് അടച്ചുപൂട്ടാന് ആവശ്യപ്പെട്ടത്. അതിനോട് അതേ നാണയത്തില് പ്രതികരിക്കുകയായിരുന്നു ചൈന. ചെങ്ഡുവിലെ കോണ്സുലേറ്റ് അടക്കാനുള്ള സമയപരിധി കഴിഞ്ഞ് ചൈനീസ് ഉദ്യോഗസ്ഥർ കെട്ടിടത്തിൽ പ്രവേശിച്ചു. അമേരിക്കന് നയതന്ത്ര പ്രധിനിധികളുടെ തിരുച്ചുപോക്ക് ആഘോഷിക്കുന്ന ചൈനീസ് ദേശീയവാദികളുടെ ചിത്രങ്ങള് സമൂഹ മാധ്യമങ്ങളില് വൈറലാണ്.