ജനീവ: കഴിഞ്ഞ 24 മണിക്കൂറിനുള്ളില് 1,94,551 പേര്ക്കാണ് ലോകത്താകെ കൊവിഡ്-19 സ്ഥിരീകരിച്ചിരിക്കുന്നത്. ഇന്നലെ ഇത് 1,94,405 ആയിരുന്നു.
കഴിഞ്ഞ ഒരാഴ്ചയിലധികമായി 2 ലക്ഷത്തിലധികമാണ് പ്രതിദിന രോഗീ വര്ദ്ധനാ നിരക്ക്. അതിനു മുന്പ് ഒരുലക്ഷത്തിനു മുകളില് സ്ഥിരത നിലനിര്ത്തിയിരുന്ന നിരക്ക് പക്ഷേ പെട്ടെന്നാണ് 2 ലക്ഷത്തിനു മുകളിലും തൊട്ടുതാഴെയുമായി ഇപ്പോള് സ്ഥിരത നിലനിര്ത്തുന്നത്. ഏറ്റവും പുതിയ കണക്കനുസരിച്ച് 1,3 ,236,249 പേര്ക്കാണ് ലോകത്താകെ രോഗം സ്ഥിരീകരിച്ചിരിക്കുന്നത്. 58,881 പേരാണ് നിലവില് കൊവിഡ്-19 ബാധിച്ച് അതീവഗുരുതരാവസ്ഥയില് കഴിയുന്നത്. 76,96,547 പേര് ഇതിനകം രോഗവിമുക്തരായി. 49,64,162 പേര് നിലവില് ചികിത്സയിലാണ്.
കൊവിഡ് വ്യാപനം രൂക്ഷമായ രാജ്യങ്ങളുടെ പട്ടികയില് ആദ്യമൂന്നു സ്ഥാനങ്ങളിലുള്ള അമേരിക്ക. ബ്രസീല്, ഇന്ത്യ എന്നീ രാജ്യങ്ങളിലെല്ലാം പ്രതിദിന രോഗീ വര്ദ്ധനാ നിരക്ക് വളരെ കൂടുതലാണ്. എന്നാല് കൊവിഡ് -19 എന്ന മഹാമാരി ഒരു മരണഹേതു ആകുന്നതില് നിന്ന് തടയാനുള്ള ആരോഗ്യ പ്രവര്ത്തകരുടെയും ലോക രാഷ്ട്രങ്ങളുടെയും നിരന്തര പ്രവര്ത്തങ്ങള് തുടരുകയാണ്. അതേസമയം ലോകത്താകെ രോഗികളുടെ എണ്ണത്തില് ക്രമാതീതമായ വര്ദ്ധനവാണ് ഉണ്ടായികൊണ്ടിരിക്കുന്നത്.
കൊവിഡ്-19 മൂലം കഴിഞ്ഞ 24 മണിക്കൂറിനുള്ളില് 3,880 പേരാണ് ലോകത്താകെ മരണപ്പെട്ടത്. പൊതുവില് മരണനിരക്ക് രോഗീ വര്ദ്ധനവൂമായി താരതമ്യപ്പെടുത്തുമ്പോള് കുറവാണ്. ലോകത്താകെ നടക്കുന്ന കൊവിഡ് പ്രതിരോധ പ്രവര്ത്തനങ്ങളിലെ മികവും കൊവിഡിനൊപ്പം ജീവിക്കാന് ജനങ്ങള് നേടിയ പരിശീലനവും ജാഗ്രതയുമാണ് രോഗികളുടെ എണ്ണം ക്രമാതീതമായി വര്ദ്ധിക്കുമ്പോഴും മരണനിരക്ക് കുറയാന് കാരണം. ഏറ്റവും പുതിയ കണക്കനുസരിച്ച് ലോകത്ത് ഇതുവരെ മരണപ്പെട്ടവരുടെ എണ്ണം 5,75,540 ആയി.