കോഴഞ്ചേരി: രാജ്യത്ത് യാഥാര്‍ത്ഥ്യങ്ങളെ കുറിച്ച് സംസാരിക്കുന്നവരെ രാജ്യദ്രോഹികളാക്കി മുദ്രകുത്താന്‍ ശ്രമം നടക്കുകയാണെന്ന് മാര്‍ത്തോമാ സഭാ മെത്രാപൊലീത്തയായ ജോസഫ്‌ മാര്‍ത്തോമാ മെത്രാപൊലീത്ത പറഞ്ഞു. കോഴഞ്ചേരിയില്‍ 125-മത് മാരാമണ്‍ കണ്‍വന്‍ഷന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
രാജ്യത്ത് വിഭാഗീയത കൊടികുത്തി വാഴുകയാണ്. അത് മറികടന്ന് രാജ്യനന്മയിലേക്ക് ഉണര്‍ന്നു ചിന്തിക്കാന്‍ എല്ലാവര്‍ക്കും സാധിക്കണമെന്നും മെത്രാപൊലീത്ത ആഹ്വാനം ചെയ്തു. ‘’ഞാന്‍ നീയാകുന്നു’’ എന്ന ദൈവവചനം ഉള്‍കൊണ്ടുകൊണ്ട് അന്യന്‍റെ വാക്കുകള്‍ സ്വീകരിക്കാന്‍ ആകണമെന്നും ജോസഫ്‌ മെത്രാപൊലീത്ത പറഞ്ഞു. കോഴഞ്ചേരിയില്‍ ആരംഭിച്ച മാരാമണ്‍ കണ്‍വന്‍ഷന്‍ ഈ മാസം 17 ന് സമാപിക്കും.
