കവിതയുടെ 'ദുർ' നടത്തങ്ങളിലൂടെ രാവും പകലും കടന്നുപോവുന്നൊരാൾ - സജീവന്‍ പ്രദീപ്

സജീസജീവൻ പ്രദീപിന്റെ കവിതാ പംക്തി മുസ് രിസ് പോസ്റ്റ്  അഭിമാനത്തോടെ ആരംഭിക്കുകയാണ്. കവിയെ കുറിച്ച്, അദ്ദേഹത്തിന്റെ എഴുത്തിനെ കുറിച്ച്, അതിന്റെ ഭാവിയെ കുറിച്ച് കവി തന്നെ എഴുതുന്ന ഏറ്റവും സംക്ഷിപ്തവും കാവ്യാത്മകവുമായ ഈ കുറിപ്പ് വായനക്കൊരു മുഖവുരയാവട്ടെ !സജീവൻ പ്രദീപിന്റെ

കവിതാ പംക്തി മുസ് രിസ് പോസ്റ്റ് 

അഭിമാനത്തോടെ ആരംഭിക്കുകയാണ്.

കവിയെ കുറിച്ച്,

അദ്ദേഹത്തിന്റെ എഴുത്തിനെ കുറിച്ച്,

അതിന്റെ ഭാവിയെ കുറിച്ച്

കവി തന്നെ എഴുതുന്ന

ഏറ്റവും സംക്ഷിപ്തവും

കാവ്യാത്മകവുമായ

ഈ കുറിപ്പ് വായനക്കൊരു മുഖവുരയാവട്ടെ !

കവിതയുടെ 'ദുർ' നടത്തങ്ങളിലൂടെ രാവും പകലും കടന്നുപോവുന്നൊരാൾ

- സജീവന്‍ പ്രദീപ്

വായനക്കാരുടേതാവുന്നില്ല ഒരു കവിതയും,

അത് കവിയുടേത് മാത്രമായി തുടരേണ്ടതുണ്ട്,

ജിജ്ഞാസകളുടെ ബഹുസ്വരതകളിലൂടെ,

വായന എഴുത്തിനേക്കാൾ അധ്വാനകരമാവേണ്ടതുണ്ട്

എന്ന പരിപൂർണ്ണ ബോധ്യത്തിലും

ബോധത്തിലും എഴുതുന്നു

മറന്നു പോവുന്ന ജീവിതങ്ങളിലേക്ക്

തിരിച്ചു വെച്ചിരിക്കുന്ന ഒരു കാവ്യദർശിനി

കവിതയുടെ

അരികുപക്ഷം,

വ്യത്യസ്തയുടെ ഭാഷ / ബിംബ / ശൈലി /

എന്നീ മുള്ളുവേലികളിലൂടെ

നിരന്തരം കടന്നുപോവുകയും

മുറിവേൽക്കുകയും ചെയ്യുന്നു,

കവിതയിൽ ജീവിതമുണ്ട്

ജീവിതത്തിൽ കവിതയില്ല ,

പതിറ്റാണ്ടുകൾക്ക് ശേഷം,

ഏതെങ്കിലും,

കവിതയിലെ ദുർനടത്തക്കാർ

എന്റെ കവിതകൾ, തേടി പിടിക്കും,

വായിക്കും

എന്ന പൂർണ്ണ വിശ്വാസത്തോടെ

കവിതയിലിടപ്പെടുന്നു