കൊച്ചി: മലയാളത്തിന്റെ പ്രിയ നടി രജിഷ വിജയനും പ്രിയ വാര്യരും കേന്ദ്രകഥാപാത്രമായി എത്തുന്ന കൊള്ള സിനിമയുടെ ട്രെയിലര് പുറത്ത്. പ്രേക്ഷകരില് ആകാംഷ നിറയ്ക്കുന്ന ട്രെയിലറാണ് അണിയറ പ്രവര്ത്തകര് പുറത്തുവിട്ടത്. ജൂണ് 9- നാണ് ചിത്രം തിയേറ്ററിലെത്തുക. രണ്ടു പെൺകുട്ടികളെ കേന്ദ്രകഥാപാത്രമാക്കി ത്രില്ലർ സ്വഭാവത്തിൽ ആണ് ചിത്രം ഒരുക്കിയിരിക്കുന്നത്. രജീഷ് പ്രൊഡക്ഷൻസിന്റെ ബാനറിൽ കെ.വി. രജീഷാണ് സിനിമ നിര്മ്മിക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്ററിനും സാമൂഹിക മാധ്യമങ്ങളില് വന് സ്വീകാര്യതയാണ് ലഭിച്ചത്.
ബോബി- സഞ്ജയ് കഥയെഴുതി സൂരജ് വർമ്മയാണ് സിനിമ സംവിധാനം ചെയ്യുന്നത്. രജിഷ വിജയന്, പ്രിയ വാര്യര്, വിനയ് ഫോര്ട്ട്, അലൻസിയർ, പ്രശാന്ത് അലക്സാണ്ടർ, ജിയോ ബേബി, ഷെബിൻ ബെൻസൺ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. അയ്യപ്പൻ മൂവീസാണ് ചിത്രം വിതരണം ചെയ്യുന്നത്. ഒരു അഡാര് ലവ്'ന് ശേഷം പ്രിയ വാര്യര് മലയാളത്തിലേക്ക് തിരിച്ചെത്തുന്ന ചിത്രം കൂടിയാണിത്.
സംഗീതം ഷാന് റഹ്മാന്, എഡിറ്റര് അര്ജു ബെന്, പി ആര് ഓ മഞ്ജു ഗോപിനാഥ്, വാഴൂര് ജോസ്. ചീഫ് അസോസിയേറ്റ് ഡയറക്ടര് സനീഷ് സെബാസ്റ്റ്യന്, മേക്കപ്പ് റോണക്സ് സേവ്യര്, കോസ്റ്റ്യൂം മെല്വി ജെ, ആര്ട്ട് രാഖില്, പ്രൊഡക്ഷന് കണ്ട്രോളര് ഷബീര്.