കൊച്ചി: മലയാളത്തിന്റെ യുവനടന് ടൊവിനോ തോമസ് കേന്ദ്രകഥാപാത്രമായി എത്തിയ 2018 ഒടിടിയിലേക്ക്. സോണി ലൈവിലൂടെയാണ് സിനിമ പ്രേക്ഷകര്ക്ക് മുന്പിലെത്തുക. ജൂണ് 7-ന് സിനിമ ഒടിടിയില് സ്ട്രീമിംഗ് ആരംഭിക്കും. മെയ് 5-നാണ് സിനിമ തിയേറ്ററില് പ്രദര്ശനം ആരംഭിച്ചത്. റിലീസ് ചെയ്ത ദിനം തന്നെ 1. 85 കോടി രൂപയാണ് ചിത്രം നേടിയത്. പത്ത് ദിവസത്തിനകം ചിത്രം നൂറ് കോടി ക്ലബില് ഇടം പിടിച്ചിരുന്നു. ജൂഡ് ആന്റണിയാണ് 2018 സിനിമ സംവിധാനം ചെയ്തത്.
അഖില് പി ധര്മജന് തിരക്കഥ ഒരുക്കിയ 2018 -ന്റെ ഛായാഗ്രഹണം നിര്വഹിച്ചത് അഖില് ജോര്ജാണ്. ചമന് ചാക്കോ ചിത്രസംയോജനം. നോബിന് പോളിന്റേതാണ് സംഗീതം. മോഹൻലാലിനെ നായകനാക്കി വൈശാഖ് സംവിധാനം ചെയ്ത പുലിമുരുകൻ എന്ന സിനിമ തീർത്ത 7 വർഷം മുമ്പത്തെ റെക്കോർഡാണ് 2018 തകർത്തത്. ഗ്ലോബൽ കളക്ഷനിൽ പുലിമുരുകൻ പ്രദർശനം അവസാനിപ്പിക്കുമ്പോൾ 146 കോടി നേടിയെന്നാണ് അവകാശ വാദം.