ബ്രിട്ടനില മരണനിരക്ക് - 360
ലണ്ടന്‍ : ബ്രിട്ടനില്‍ കോവിഡ് -19 മൂലമുള്ള മരണനിരക്കില്‍ കഴിഞ്ഞ 48 മണിക്കൂറിനുള്ളില്‍ വലിയ കുറവാണ് രേഖപ്പെടുത്തിയത്. ഇന്ന് രേഖപ്പെടുത്തിയതനുസരിച്ച് 360 പേരാണ് ബ്രിട്ടനില്‍ മരണപ്പെട്ടത്. ഇന്നലെയത് 413 ആയിരുന്നു. ഞായറാഴചയിലെ മരണനിരക്കിന്റെ പകുതിയോളം കുറവാണ് തുടര്‍ച്ചയായി കഴിഞ്ഞ രണ്ടുദിവസങ്ങളില്‍ രേഖപ്പെടുത്തിക്കൊണ്ടിരിക്കുന്നത് എന്നത് ശുഭ സൂചനയാണ്.
ഇതോടെ ആകെ മരണപ്പെട്ടവരുടെ എണ്ണം 21,092 ആയി. ഇടയ്ക്കൊന്ന് താഴോട്ടുപോയ മരണനിരക്ക് വീണ്ടും ഉയര്‍ന്ന് പെട്ടെന്നൊരു ഇറക്കമാണ് കഴിഞ്ഞ 48 മണിക്കൂറിനുള്ളില്‍ കാണിച്ചിരിക്കുന്നത്.
രോഗീവര്‍ദ്ധനാ നിരക്കില്‍ പ്രകടവ്യത്യാസം ഇല്ല
ബ്രിട്ടനില്‍ കഴിഞ്ഞ 24 മണിക്കൂറിനുള്ളില്‍ 4,309 പേര്‍ക്കാണ് രോഗം സ്ഥിരീകരിച്ചത്. ഇന്നലെ 4,463 പേര്‍ക്കാണ് രോഗം സ്ഥിരീകരിച്ചത്. ഇത് കഴിഞ്ഞ 48 മണിക്കൂറിനുള്ളിലെ യൂറോപ്പിലെ ഏറ്റവും ഉയര്‍ന്ന നിരക്കാണ്. ബ്രിട്ടനില്‍ ഇതിനകം രോഗം സ്ഥിരീകരിച്ചവരുടെ എണ്ണം 1,57,149 ആയി. ഏതായാലും കഴിഞ്ഞ 48 മണിക്കൂറിനുള്ളില്‍ ലോകത്താകെ കൊറോണ വ്യാപനത്തിലുണ്ടായ കുറവ് ബ്രിട്ടനിലും പ്രതിഫലിച്ചു എന്ന് കാണാന്‍ കഴിയും
