ചെന്നൈ: വിദ്യാസമ്പന്നരായ സ്ത്രീകളെ നേതൃനിരയിലേക്ക് കൊണ്ടുവരിക എന്നതാണ് മുസ്ലീം ലീഗ് പുതിയ കാലത്ത് ഏറ്റെടുക്കേണ്ട വെല്ലുവിളിയെന്ന് മുസ്ലീം ലീഗ് നേതാവ് കെ എം ഷാജി. 51 ശതമാനം പാര്ട്ടി അംഗങ്ങള് വനിതകളായതിന്റെ സന്ദേശം ലീഗ് തിരിച്ചറിയണമെന്നും പാര്ട്ടി പുനസംഘടനയില് മത്സരം നടന്നത് നല്ല സൂചനയാണെന്നും കെ എം ഷാജി പറഞ്ഞു. ചെന്നൈയില് മീഡിയാവണിനോടായിരുന്നു അദ്ദേഹത്തിന്റെ പ്രതികരണം.
'സമുദായത്തിനുളളില് വരുത്തേണ്ട ഏറ്റവും വലിയ മാറ്റം സ്ത്രീ വിദ്യാഭ്യാസമല്ല, സ്ത്രീകളുടെ തൊഴിലാണ്. ആ വിഷയത്തില് എന്തുചെയ്യാനാവും എന്നത് മുസ്ലീം ലീഗിനുമുന്നിലുളള ഒരു വെല്ലുവിളിയാണ്. 51 ശതമാനത്തിലധിം സ്ത്രീകള് മെമ്പര്ഷിപ്പ് എടുത്തു എന്നത് സൂചനയാണ്. അത് പാര്ട്ടി ഉള്ക്കൊളളണം. അതിനെ അവഗണിക്കാനാവില്ല. എങ്ങനെയാണോ സിഎച്ചും സീതി സാഹിബും വാഫഖി തങ്ങളും പതുക്കെ മാറ്റങ്ങള് കൊണ്ടുവന്നത് അതുപോലെ ഇനിയും മാറ്റങ്ങളുണ്ടായാല് മാത്രമേ സമുദായം രക്ഷപ്പെടുകയുളളു'- കെ എം ഷാജി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സ്ത്രീകളെ ഇനി അവഗണിച്ച് നിര്ത്താന് കഴിയില്ല. അവര്ക്ക് തൊഴിലിടങ്ങളിലും മറ്റും ലഭ്യമാക്കേണ്ട നീതി ലഭിച്ചേ മതിയാവൂ. ലീഗ് മാറേണ്ടേ എന്ന ചോദ്യത്തിനുതന്നെ പ്രസക്തിയില്ല. മാറിയേ മതിയാവൂ എന്നതാണ് ലീഗിന്റെ നിലനില്പ്പിന്റെ ആധാരം'- കെ എം ഷാജി കൂട്ടിച്ചേര്ത്തു.