കൊച്ചി: പന്തീരാങ്കാവ് യുഎപിഎ കേസില് അലന് ഷുഹൈബിന്റെ ജാമ്യം റദ്ദാക്കണമെന്ന എന് ഐ എയുടെ ഹര്ജി തളളി കോടതി. കൊച്ചി എന് ഐ എ കോടതിയാണ് അലന് ജാമ്യവ്യവസ്ഥകള് ലംഘിച്ചുവെന്ന് ചൂണ്ടിക്കാട്ടിയുളള ഹര്ജി തളളിയത്. നിയമവിരുദ്ധ പ്രവര്ത്തനങ്ങളില് ഏര്പ്പെടരുതെന്ന് കോടതി അലന് താക്കീത് നല്കി.
കണ്ണൂര് പാലയാട് ക്യാംപസിലെ എസ് എഫ് ഐയുമായുളള സംഘര്ഷം ചൂണ്ടിക്കാട്ടിയാണ് അലന്റെ ജാമ്യം റദ്ദാക്കണമെന്നാവശ്യപ്പെട്ട് എന് ഐ എ കോടതിയെ സമീപിച്ചത്. സമീപകാലത്ത് അലന് ഫേസ്ബുക്കില് പങ്കുവെച്ച കുറിപ്പുകള് തീവ്രവാദ സ്വഭാവമുളളതാണെന്നും എന് ഐ എ ഹര്ജിയില് ആരോപിച്ചിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അലന് ഷുഹൈബിന്റെയും ത്വാഹ ഫസലിന്റെയും ജാമ്യം റദ്ദാക്കണമെന്ന ആവശ്യം ഈ ഘട്ടത്തില് പരിഗണിക്കാന് സാധിക്കില്ലെന്നും എന് ഐ എ സമര്പ്പിച്ച തെളിവുകള് അപ്രസക്തമാണെന്നും കോടതി പറഞ്ഞു. അലന് ഫേസ്ബുക്ക് പോസ്റ്റുകള് ഷെയര് ചെയ്യുന്നത് അനുചിതമാണ്. എന്നാല് അലന് നേരിട്ട് പോസ്റ്റുകള് എഴുതുകയോ പ്രചരിപ്പിക്കുന്നതോ അല്ല, മിക്ക പോസ്റ്റുകളും റീ ഷെയര് ചെയ്യുന്നതാണെന്നും കോടതി വ്യക്തമാക്കി.