കൊച്ചി: പാന് ഇന്ത്യന് സ്റ്റാര് എന്നല്ല, മികച്ച നടന് എന്ന് അറിയപ്പെടാനാണ് താത്പര്യമെന്ന് നടന് വിജയ് സേതുപതി. സിനിമയെ സ്നേഹിക്കുന്നവര്ക്ക് വേണ്ടി മികച്ച കഥാപാത്രങ്ങള് കൈകാര്യം ചെയ്യാനാണ് താത്പര്യപ്പെടുന്നത്. പാന് ഇന്ത്യന് സ്റ്റാര് എന്ന വിശേഷണം ഭയങ്കരമായ സമ്മര്ദ്ദം നല്കുമെന്നാണ് താന് കരുതുന്നത്. നടനോ സംവിധായകനോ ആരുമാകട്ടെ എപ്പോഴും മികച്ച സൃഷ്ടികള് പുറത്തെടുക്കാനാണ് ശ്രമിക്കേണ്ടതെന്നും വിജയ് സേതുപതി കൂട്ടിച്ചേര്ത്തു. ഇന്ത്യയിലെ എല്ലാ ഭാഷകളിലും സിനിമകള് ചെയ്യാന് താത്പര്യമുണ്ടെന്നും നടന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാജ് ആൻഡ് ഡികെ സംവിധാനം ചെയ്ത ഫർസിയിലൂടെ വെബ് സീരീസ് രംഗത്തേക്കും ഈയിടെ വിജയ് സേതുപതി കാലെടുത്തുവച്ചിരുന്നു. ഇതിന്റെ പ്രമോഷനുമായി ബന്ധപ്പെട്ട് നടന്ന അഭിമുഖത്തിലാണ് താരം ഇക്കാര്യം വെളിപ്പെടുത്തിയത്. ഷാഹിദ് കപൂർ, റാഷി ഖന്ന, കെ.കെ. മേനോൻ, അമോൽ പലേക്കർ, ഭുവൻ അറോറ എന്നിവരാണ് സീരീസിലെ മറ്റഭിനേതാക്കൾ. ഫെബ്രുവരി പത്തുമുതൽ ആമസോൺ പ്രൈമിലൂടെയാണ് സീരീസ് പ്രേക്ഷകര്ക്ക് മുന്പിലെത്തുക.