എ സ് .വി.മെഹ്ജൂബ്
കഴിഞ്ഞ അഞ്ചുദിവസത്തെ മരണനിരക്കില് 2000 ലധികം വര്ധന
കോവിഡ് -19 മൂലം കഴിഞ്ഞ 24 മണിക്കൂറിനുള്ളില് ലോകത്താകെ മരണപ്പെട്ടത് 7336 പേര്. ഏറ്റവും പുതിയ കണക്കനുസരിച്ച് ഇതുവരെ ലോകത്താകമാനം 1,77,457 പേര് മരണപ്പെട്ടുകഴിഞ്ഞു. ഇന്നത്തെ കണക്ക് പ്രകാരം മരണനിരക്ക് കഴിഞ്ഞ നാലു ദിവസങ്ങളിലായി ചെറിയ ഏറ്റക്കുറച്ചിലുകളോടെ 4312 മുതല് 6500 വരെയുള്ള സംഖ്യക്കിടയില് പിടിച്ചുനിര്ത്താന് ലോകത്താകമാനമുള്ള ആരോഗ്യപ്രവര്ത്തകരുടെ വിശ്രമമില്ലാത്ത പ്രവര്ത്തനങ്ങള്ക്ക് കഴിഞ്ഞിട്ടുണ്ട് എന്ന് കാണാം. ഒറ്റ ദിവസംകൊണ്ട് പതിനായിരവും അതിനു മുകളിലും മരിച്ചുവീണിടത്തു നിന്നാണ് ലോകം കരകയറിക്കൊണ്ടിരിക്കുന്നത്. ഇത് വലിയ പ്രതീക്ഷയാണ് നല്കുന്നത്. ഇന്നത്തെ മരണനിരക്ക് നിരാശയുണ്ടാക്കുന്നതാണ്. ഇന്നലത്തേയും ഇന്നത്തെയും മരണനിരക്ക് താരതമ്യപ്പെടുത്തുമ്പോള് 2276 പേരാണ് ഇന്ന് കൂടുതലായി മരണപ്പെട്ടിരിക്കുന്നത്.
കഴിഞ്ഞ അഞ്ചുദിവസത്തെ രോഗീവര്ദ്ധന നിരക്കില് 11,576
ഏറ്റവും പുതിയ കണക്കനുസരിച്ച് കഴിഞ്ഞ 24 മണിക്കൂറിനുള്ളില് 25,56,798 പേര്ക്കാണ് രോഗം സ്ഥിരീകരിച്ചിരിക്കുന്നത്. ഇന്നലെയിത് 24,76,066 ആയിരുന്നു. അതായത് കഴിഞ്ഞ 24 മണിക്കൂറിനുള്ളില് ഉണ്ടായ പുതിയ രോഗികളുടെ എണ്ണം 80,732 ആണ് എന്നര്ത്ഥം. ഇത് കഴിഞ്ഞ ദിവസങ്ങളിലെ പ്രവണതക്ക് വിരുദ്ധമാണ്.
രോഗീവര്ദ്ധനാ നിരക്കില് ഞായറാഴ്ചയും തിങ്കളാഴ്ചയുമായി കൃത്യം 76,138 ന്റെ കുറവ് രേഖപ്പെടുത്തിയിരുന്നു. കഴിഞ്ഞ നാല് ദിവസത്തെ ഡാറ്റ പരിശോധിച്ചാല് രോഗീ വര്ദ്ധനവിലെ കുറവ് താഴോട്ടു പോകാനുള്ള പ്രവണത കാണിക്കുന്നതായി കാണാന് കഴിയും. എന്നാല് ഇന്നലെയും ഇന്നുമായി രോഗികളുടെ എണ്ണത്തില് 11,576 ന്റെ വര്ദ്ധനവാണ് രേഖപ്പെടുത്തിയത്.
ലോകത്താകെ രോഗികളുടെ നിരക്ക് വര്ദ്ധനവ് കഴിഞ്ഞ അഞ്ചു ദിവസങ്ങളിലായി ഇപ്രകാരമാണ്: ശനി - 1,32,560, ഞായര് - 80,083, തിങ്കള് - 76,138, ചൊവ്വ - 69,156, ബുധന് (ഇന്ന്) - 80,732. അവസാന ദിവസമൊഴികെ രോഗികളുടെ എണ്ണം വര്ദ്ധിക്കുന്നതില് തുടര്ച്ചയായ ദിവസങ്ങളില് കുറവ് രേഖപ്പെടുത്തി എന്ന് ഈ കണക്കുകളില് നിന്ന് വ്യക്തമാണ്.