തിരുവനന്തപുരം: കാര്യവട്ടം ഗ്രീന്ഫീല്ഡ് സ്റ്റേഡിയത്തില് 15-ന് നടക്കുന്ന ഇന്ത്യ-ശ്രീലങ്ക ഏകദിന മത്സരത്തിന്റെ ടിക്കറ്റ് നിരക്കുമായി ബന്ധപ്പെട്ട് കായിക മന്ത്രി വി അബ്ദുറഹിമാന് നടത്തിയ പരാമര്ശം വിവാദത്തില്. വിനോദ നികുതി അഞ്ച് ശതമാനത്തില് നിന്ന് 12 ശതമാനമായി ഉയര്ത്തിയതോടെ ടിക്കറ്റ് നിരക്ക് 1,445 രൂപയായി ഉയര്ന്നിരുന്നു. ഇതുസംബന്ധിച്ച ചോദ്യത്തിന് നികുതി കുറയ്ക്കാനാകില്ലെന്നും പട്ടിണി കിടക്കുന്നവര് കളി കാണേണ്ടതില്ലെന്നുമായിരുന്നു മന്ത്രിയുടെ പ്രതികരണം.
കാര്യവട്ടത്ത് കളി കാണാന് ബിസിസിഐ ടിക്കറ്റ് നിരക്ക് അപ്പര് ടയറിന് 1000 രൂപ, ലോവര് ടയറിന് 2000 എന്നിങ്ങനെയാണ്. 18 ശതമാനം ജിഎസ്ടിയുംകോര്പ്പറേഷന്റെ 12 ശതമാനം വിനോദ നികുതിയും ബുക്കിങ് ചാര്ജും കൂടിയാകുമ്പോള് കുറഞ്ഞ ടിക്കറ്റ് നിരക്ക് 1445 രൂപയാകും. നികുതി ഉയര്ത്തിയതിനെതിരെ വ്യാപക വിമര്ശനം ഉയര്ന്നതോടെയാണ് പ്രതികരണവുമായി മന്ത്രി രംഗത്തെത്തിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇന്ത്യയും ദക്ഷിണാഫ്രിക്കയും തമ്മിലുള്ള ട്വന്റി20 പരമ്പരയിലെ ആദ്യമത്സരം ബുധനാഴ്ചയാണ് ഗ്രീന്ഫീല്ഡില് നടക്കുക. കഴിഞ്ഞ സെപ്റ്റംബറില് ഇന്ത്യ വെസ്റ്റ് ഇന്ഡീസ് ടി20 മത്സരമാണ് തിരുവനന്തപുരത്ത് അവസാനം നടന്നത്. അന്ന് അഞ്ചുശതമാനമായിരുന്നു വിനോദ നികുതി. ഇത്തവണ നികുതി വര്ധന കൊണ്ട് കാണികള്ക്ക് അധിക ഭാരമൊന്നും ഉണ്ടാകില്ലെന്നും കായികമന്ത്രി പറഞ്ഞു.