എറണാകുളത്തുനിന്ന് കാസര്കോട്ടേക്ക് തീവണ്ടിപ്പാളത്തിലൂടെ നടന്നെത്താന് ശ്രമിച്ച രണ്ടു യുവാക്കളെ കോഴിക്കോട്ടെ ഫറോക്കില്നിന്നും പോലീസ് കസ്റ്റഡിയിലെടുത്തു. കൊറോണ വൈറസ് വ്യാപനം തടയാന് പ്രഖ്യാപിച്ച ലോക്ക് ഡൗണ് കാരണം ഗതാഗത മാര്ഗമില്ലാതെ വലഞ്ഞതിനാലാണ് റെയില് പാളത്തിലൂടെ കിലോമീറ്ററുകളോളം നടക്കാന് അവര് തീരുമാനിച്ചത്. കാസര്കോട് നെല്ലിക്കുന്ന് സ്വദേശികളാണ്. പൊലീസ് കേസെടുത്തിട്ടുണ്ട്.
കഴിഞ്ഞ ബുധനാഴ്ചയാണ് എറണാകുളത്തുനിന്ന് ഇരുവരും യാത്രതിരിച്ചത്. ഞായറാഴ്ച എട്ടു മണിയോടെ രണ്ടു പേര് പാളത്തിലൂടെ നടന്നു പോവുന്ന വിവരം നാട്ടുകാര് ഫറോക്ക് പോലീസ് സ്റ്റേഷനില് അറിയിക്കുകയായിരുന്നു. വിവരമറിഞ്ഞ് സ്ഥലത്തെത്തിയ ഫറോക്ക് എസ്ഐ കൃഷ്ണനാണ് യുവാക്കളെ കസ്റ്റഡിയിലെടുത്തത്. പോലിസ് പിന്നീട് ഇരുവരെയും ആശുപത്രിയില് പ്രവേശിപ്പിച്ചു.