തിരുവനന്തപുരം : കെ റെയില് പദ്ധതി ഉപേക്ഷിക്കില്ലെന്ന് മുഖ്യമന്ത്രി പിണറായി വിജയന്. കേരളത്തിന്റെ പശ്ചാത്തല വികസനത്തില് കുതിപ്പുണ്ടാക്കുന്ന പദ്ധതിയാണ് കെ റെയില്. ഡി പി ആര് റെയില്വേ മന്ത്രാലയത്തിന്റെ പരിഗണനയിലാണ്. കെ റെയിലുമായി ബന്ധപ്പെട്ട് രജിസ്റ്റര് ചെയ്ത കേസുകള് പിന്വലിക്കില്ലെന്നും മുഖ്യമന്ത്രി നിയമസഭയില് പറഞ്ഞു. കെ റെയില് പദ്ധിക്കെതിരെ റോജി എം ജോണ് എംഎല്എ കൊണ്ടുവന്ന അടിയന്തര പ്രമേയ നോട്ടീസിന് മറുപടി പറയുമ്പോഴായിരുന്നു മുഖ്യമന്ത്രി ഇക്കാര്യം വ്യക്തമാക്കിയത്.
സില്വര്ലൈന് പദ്ധതിക്ക് അനുമതി ലഭ്യമായിട്ടില്ലാത്തതിനാല് മറ്റ് പദ്ധതികളുടെ ഭൂമി ഏറ്റെടുക്കല് നടപടികളുമായി ബന്ധപ്പെട്ട പ്രവര്ത്തനങ്ങള് നിര്വ്വഹിക്കാന് റവന്യൂ ഉദ്യോഗസ്ഥരെയും ജീവനക്കാരെയും തത്ക്കാലം പുനര്വിന്യസിക്കാന് തീരുമാനിച്ചിട്ടുണ്ട്. ഇത് കെ റെയില് പദ്ധതി നിര്ത്തിവെച്ചതാണെന്ന് ആരും കരുതരുതെന്നും മുഖ്യമന്ത്രി നിയമസഭയില് വ്യക്തമാക്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, സില്വര് ലൈന് നടപടികള് മരവിപ്പിച്ചെന്നും പദ്ധതിക്കായി സ്ഥലം ഏറ്റെടുക്കാന് നിയോഗിച്ച ഉദ്യോഗസ്ഥരെയെല്ലാം അടിയന്തിരമായി തിരിച്ചുവിളിച്ചുവെന്നും വാര്ത്തകള് പുറത്തുവന്നിരുന്നു. സാമൂഹികാഘാത പഠനം തല്ക്കാലം നടത്തേണ്ടതില്ലെന്നും കേന്ദ്ര റെയില്വേ ബോര്ഡിന്റെ അന്തിമ അനുമതി ലഭിച്ച ശേഷം മതി മറ്റ് നടപടികളെന്നും റവന്യു വകുപ്പ് ഉത്തരവ് ഇറക്കിയിരുന്നു. സില്വര് ലൈനുമായി ബന്ധപ്പെട്ട എല്ലാ നടപടികളില് നിന്നും സര്ക്കാര് താത്കാലികമായി പിന്വാങ്ങുന്നുവെന്നും റവന്യൂ വകുപ്പ് പുറത്തിറക്കിയ ഉത്തരവില് വ്യക്തമാക്കിയിരുന്നു. ഇതിനുപിന്നാലെയാണ് കെ റെയില് പദ്ധതി ഉപേക്ഷിക്കില്ലെന്ന് മുഖ്യമന്ത്രി നിയമസഭയില് പറഞ്ഞത്.