ആലപ്പുഴ: പ്രസവത്തെ തുടര്ന്ന് അമ്മയും കുഞ്ഞും മരിച്ച സംഭവത്തില് അന്വേഷണത്തിന് ഉത്തരവിട്ട് ആരോഗ്യമന്ത്രി വീണ ജോര്ജ്. മെഡിക്കൽ വിദ്യാഭ്യാസ വകുപ്പ് ഡയറക്ടറോട് വിദഗ്ധ സമിതി രൂപീകരിച്ച് അന്വേഷണം നടത്തി റിപ്പോർട്ട് നൽകാനാണ് മന്ത്രി നിർദേശം നൽകിയിരിക്കുന്നത്. കൈനകരി കായിത്തറ രാംജിത്തിന്റെ ഭാര്യ അപർണയും നവജാത ശിശുവുമാണ് പ്രസവത്തിന് തൊട്ടുപിന്നാലെ മരിച്ചത്. അമ്മയും കുഞ്ഞും മരിച്ചതോടെ ഡോക്ടര്മാര്ക്കും ആശുപത്രി ജീവനക്കാര്ക്കുമെതിരെ ബന്ധുക്കള് രംഗത്തെത്തിയിരുന്നു. ഇതിനുപിന്നാലെയാണ് ആരോഗ്യ മന്ത്രി അന്വേഷണത്തിന് ഉത്തരവിട്ടത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ആശുപത്രിയുടെ ഭാഗത്തുനിന്നും വന്ന അനാസ്ഥയാണ് അമ്മയും കുഞ്ഞും മരിക്കുന്നതിന് കാരണമായതെന്നാണ് ബന്ധുക്കള് ആരോപിക്കുന്നത്. അപര്ണ ഇന്ന് രാവിലെയും കുഞ്ഞ് ഇന്നലെ രാത്രിയുമാണ് മരണപ്പെട്ടത്. കുഞ്ഞിനെ പുറത്തെടുക്കുമ്പോള് തന്നെ നെഞ്ചിടിപ്പ് കുറവായിരുന്നുവെന്നും രക്തസമ്മർദം താഴ്ന്നാണ് അപര്ണ മരിച്ചതെന്നുമാണ് ആശുപത്രി അധികൃതർ ബന്ധുക്കളെ അറിയിച്ചത്. ലേബര് റൂമിലുണ്ടായിരുന്ന ഡോക്ടര്മാര് ഉൾപ്പെടെയുള്ള മുഴുവൻ ജീവനക്കാർക്കെതിരെയും ബന്ധുക്കൾ പരാതി നൽകിയിട്ടുണ്ട്.