കൊച്ചി: കണിച്ചുകുളങ്ങര എസ്എന്ഡിപി യൂണിയന് സെക്രട്ടറിയായിരുന്ന കെ കെ മഹേശന്റെ മരണത്തില് ഒന്നാം പ്രതിയാക്കി കേസ് എടുത്ത സംഭവത്തില് പ്രതികരിച്ച് വെള്ളാപ്പള്ളി നടേശന്. കേസുമായി ബന്ധപ്പെട്ട് ഏത് അന്വേഷണവും നേരിടാന് തയ്യാറാണെന്നും തനിക്ക് കെ കെ മഹേശന്റെ മരണത്തില് പങ്കില്ലെന്നും വെള്ളാപ്പള്ളി നടേശന് മാധ്യമങ്ങളോട് പറഞ്ഞു. കേസ് സിബിഐ അന്വേഷിക്കട്ടെയെന്നും സത്യം തെളിയും വരെ പോരാടുമെന്നും അദ്ദേഹം കൂട്ടിച്ചേര്ത്തു. ആരോപണങ്ങള്ക്ക് പിന്നില് സമുദായത്തെ തകര്ക്കുകയാണ് ലക്ഷ്യമെന്നും വെള്ളാപ്പള്ളി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കണിച്ചുകുളങ്ങര എസ്എൻഡിപി യൂണിയൻ സെക്രട്ടറിയായിരുന്ന കെ കെ മഹേശന്റെ മരണത്തിൽ വെള്ളാപ്പള്ളി നടേശനെ ഒന്നാം പ്രതിയാക്കിയാണ് മാരാരിക്കുളം പൊലീസ് കേസ് രജിസ്റ്റർ ചെയ്തത്. മാനേജര് കെ എല് അശോകന്, തുഷാര് വെള്ളാപ്പള്ളി എന്നിവരാണ് കേസിലെ രണ്ടും മൂന്നും പ്രതികള്. ഗൂഡാലോചന, ആത്മഹത്യ പ്രേരണ തുടങ്ങിയ വകുപ്പുകള് ചുമത്തിയാണ് ഇവര്ക്കെതിരെ പോലീസ് കേസ് എടുത്തിരിക്കുന്നത്. മഹേശന്റെ കുടുംബം നല്കിയ ഹര്ജി പരിഗണിച്ച ആലപ്പുഴ ജൂഡിഷ്യല് ഫസ്റ്റ് ക്ലാസ്സ് മാജിസ്ട്രേറ്റ് കോടതി മൂന്ന് പേരെയും പ്രതി ചേര്ത്ത് കേസ് എടുക്കാന് നിര്ദ്ദേശം നല്കിയത്. മൈക്രോ ഫിനാൻസ് തട്ടിപ്പ് കേസിൽ കെ കെ മഹേശനെ പ്രതിയാക്കിയതിന് പിന്നിൽ വെള്ളാപ്പള്ളി നടേശൻ, തുഷാർ വെള്ളാപ്പള്ളി, കെ എൽ അശോകൻ എന്നിവർ ഗൂഢാലോചന നടത്തിയെന്നാണ് എഫ്ഐആറിൽ പറയുന്നത്.